Zyrtarët e Putinit janë fshehurazi kundër luftës në Ukrainë, thotë ish-shefi i spiunazhit të Estonisë

Presidenti rus Vladimir Putin po vazhdon agresionin e tij mbi Ukrainë, kundër dëshirës së të paktën disa prej zyrtarëve të tij të lartë dhe oligarkëve me ndikim, sipas një ish-shefi të inteligjencës së Estonisë.

Mikk Marran, i cili drejtoi Shërbimin e Inteligjencës së Jashtme të Estonisë nga janari 2016 deri në tetor 2022, i tha Newsweek se kontrolli i Putinit në pushtet mbetet i fortë, edhe nëse disa nga ata që janë nën të janë tërësisht kundër luftës kundër Ukrainës, përcjell Telegrafi.

“Unë mendoj se gjatë ditëve të mia në shërbim dhe madje edhe tani, Putin ka pasur një kontroll mjaft të mirë në pushtet”, shpjegoi Marran, i cili tani shërben si CEO i Qendrës Shtetërore të Menaxhimit të Pyjeve të Estonisë.

Lexo po ashtu Pse Rusia dhe Ukraina po luftojnë kaq shumë për Bakhmutin?

Por jo gjithçka është rozë për liderin rus, i cili ka përdorur pushtimin e tij në Ukrainë për të forcuar kontrollin mbi disidentët vendas dhe aleatët.

“Mendoj se tensionet po rriten; definitivisht, ne mund të shohim disa shenja atje”, tha Marran. “Ka pasur zyrtarë në administratë që kanë qenë shumë kritikë ose kundër luftës. Nuk mund t’ju them emrat e tyre, por ka pasur dhe ka zyrtarë brenda Kremlinit që janë totalisht kundër luftës”.

Siç kujton Newsweek, Washington Post raportoi në dhjetor se ka “zhgënjim të madh mes njerëzve përreth tij”, duke përmendur një miliarder rus të paidentifikuar, i cili është në kontakt me zyrtarë të rangut të lartë.

“Ai është e qartë se nuk e di se çfarë të bëjë”, tha burimi.

Megjithatë, të pakënaqurit duken të përkushtuar “për të përballuar stuhinë”, ose të paktën
për të pritur një moment më të mirë për të lëvizur.

Lexo po ashtu Pse Rusia dhe Ukraina po luftojnë kaq shumë për Bakhmutin?

Edhe figura me ndikim brenda komunitetit të biznesit të Rusisë janë të pakënaqur, ka thënë Marran.

“Ka edhe oligarkë që nuk janë shumë të kënaqur me luftën”, citohet të ketë thënë Marran. “Ne shohim disa tensione, por nuk do të thosha se ato mund ta lëkundin shumë varkën në këtë pikë…”.

“Në publik, natyrisht, ata nuk thonë asgjë”, ka thënë Marran për disidentët e heshtur. “Ky do të ishte një lloj dënimi me vdekje për ta dhe për karrierën e tyre… Por në bisedat private, në grupe më të vogla, ata ishin mjaft të zëshëm”. /Telegrafi/