U tha se prishën miqësinë përkundër që i dhuroi veshkën, Selena Gomez zgjidh mosmarrëveshjet me Francia Raisa

Selena Gomez dhe Francia Raisa me sa duket i kanë zgjidhur mosmarrëveshjet pas thumbave ndaj njëra-tjetrës në internet.

Në një intervistë për “Dear” të Apple TV+, themeluesja e “Rare Beauty” lavdëroi Raisa për dhurimin vetëmohues të veshkës së saj në vitin 2017, mes betejës së këngëtares me lupusin.

“Mikesha im më e mirë. Emri i saj është Francia”, tha Gomez, shkruan PageSix.

“Brenda tre ditësh, ajo shkoi të testohej dhe Francia ishte e përshtatshme për transplantim. Dhe ishte një nga ato momentet ku u ndjeva e mbikëqyrur. E di që isha kaq me fat”, kujtoi Gomez.

“Unë kurrë nuk do të jem më shumë në borxh ndaj një personi sesa Francia. Ideja se dikush as nuk e mendoi dy herë për të qenë donator ishte jashtëzakonisht e mahnitshme”, tha Selena.

Ndërsa dyshja duket se janë në marrëdhënie të mira tani, ato kishin mosmarrëveshje në nëntor pasi Gomez e quajti Taylor Swift “miken e saj të vetëm në industri”.

Komenti nuk iu duk i përshtatshëm yllit të “How I Met Your Father”, e cila shkroi “Interesante” nën një postim në Instagram duke theksuar citimin e Gomez.

Këngëtarja më vonë reagoi duke shtuar ‘më vjen keq që nuk përmenda çdo person që njoh’ në një video të TikTok duke shpjeguar grindjen e përfolur.

Dyshja e vajzave të famshme kanë pasur një miqësi të vazhdueshme gjatë dy viteve të fundit.

Por, pas publikimit të dokumentarit të Gomez në vitin 2022 “My Mind and Me”, fansat vunë re se Raisa nuk e ndiqte aktoren e “Only Murders in the Building” më në Instagram.

Lëvizja erdhi si një tronditje për fansat duke pasur parasysh faktin se Raisa mori pjesë në festën e ditëlindjes së 30-të të Gomez vetëm disa muaj më parë. /Telegrafi/