Kryeministrja e Estonisë, Kaja Kallas, prej kohësh një nga liderët më të hapur ruso-skeptikë të Evropës, ka siguruar një mandat tjetër në detyrë pasi Partia e saj Reforma e qendrës së djathtë kryesoi në zgjedhjet e përgjithshme të së dielës.
Siç kanë raportuar mediat e huaja, me 99 për qind të votave të numëruara, partia e Kallas kishte marrë 31.4 për qind të votave, me partinë e ekstremit të djathtë EKRE në vendin e dytë me 16.1 për qind dhe Partinë e Qendrës, e cila tradicionalisht merr mbështetje të fortë nga pakica etnike ruse e Estonisë – me 15 për qind.
Pjesëmarrja në votime ishte 63.7 për qind, e ngjashme me garën e kaluar.
Dhe Kallas tani do të marrë një pozicion komandues në negociatat e mëvonshme për të formuar një koalicion qeverisës, me qeverinë e saj të re që pritet të vazhdojë mbështetjen e saj të fortë për Ukrainën ndërsa kjo e fundit i reziston agresionit të vazhdueshëm të Rusisë, përcjell Telegrafi.
Estonia ka qenë ndër mbështetësit kryesorë politik, humanitar dhe ushtarak për Kievin gjatë vitit të kaluar, duke i shtyrë vazhdimisht aleatët e saj të NATO-s dhe Bashkimit Evropian që të thellojnë ndihmën për Ukrainën duke përshkallëzuar izolimin politik dhe sanksionet ekonomike të vendosura ndaj Moskës.
“Është një lajm shumë i mirë për të gjithë: për Ukrainën, për aleatët tanë”, ka vlerësuar Marko Mihkelson, një anëtar i partisë së Kallas, i cili u rizgjodh për herë të gjashtë në zgjedhjet e së dielës, për Newsweek – pak pasi shefat e Partisë u takuan në diskutojnë suksesin e tyre.
“Lajm i keq për Rusinë. Do të jetë një pozicion edhe më aktiv dhe i vendosur për shkak të mandatit që Kaja, partia dhe koalicioni i ri i mundshëm fituan”, ka thënë më tej Mihkelson.
Rezultatet nënkuptojnë se Reforma do të marrë 37 vende në parlament – i njohur si Riigikogu – që do të thotë se kryeministres 45-vjeçare i duhen 14 të tjera nga partnerët e rinj për të komanduar një shumicë në organin prej 101 vendesh, përcjell Telegrafi.
Kallas ka thënë se nuk do të punojë me EKRE-në për shkak të dallimeve ideologjike.
Kryeministrja pritet t’i afrohet Partisë së Qendrës – e cila më parë i ka dhënë mbështetje Kallas në një koalicion – partisë së vogël konservatore Atdheu, Social Demokratëve dhe potencialisht partisë së re, liberale të qendrës Eesti 200, e cila do të hyjë në parlament për herë të parë.
Ndërkohë Komiteti zgjedhor i Estonisë tani do të vërtetojë rezultatet, gjë që pritet të zgjasë rreth katër javë.
Deri atëherë, Kallas do të shpresojë të ketë një marrëveshje koalicioni dhe të jetë gati të pranojë ftesën e presidentit Alar Karis për të formuar një qeveri të re.
Ndërsa Mihkhelson tha për Newsweek se partia shpreson të shpallë synimet e saj se me kë të ketë partneritet deri të martën.
“Ky rezultat, i cili nuk është ende përfundimtar, do të na japë një mandat të fortë për të krijuar një qeveri të mirë”, u tha Kallas kolegëve dhe mbështetësve në kryeqytetin estonez, Talin.
“Unë mendoj se me një mandat kaq të fortë, [ndihma për Ukrainën] nuk do të ndryshojë sepse partitë e tjera, përveç EKRE dhe ndoshta Qendra, kanë zgjedhur të njëjtën linjë”, citohet të ketë thënë ajo.
Siç vënë në pah mediat, Qeveria e Kallas po shpenzon tashmë afër 3 për qind të PBB-së së Estonisë për mbrojtjen, një nivel historik për vendin dhe dukshëm mbi objektivin e shpenzimeve ushtarake prej 2 për qind të BPV-së të rënë dakord nga vendet anëtare të NATO-s.
Talini ka dhënë një ekuivalente prej 1 për qind të BPV-së së tij në ndihmë ushtarake dhe humanitare për Ukrainën; më shumë se çdo komb tjetër sipas proporcionit të BPV-së.
Ndërkohë rezultati i zgjedhjeve do të jetë i mirëpritur në Kiev, ku qeveria e presidentit Volodymyr Zelensky po punon shumë për të shmangur çdo aluzion të “lodhjes perëndimore”.
“Për ne, fitorja e partisë së saj është një shenjë shumë pozitive, sepse është një sinjal se shoqëria estoneze është e vendosur në anën e Ukrainës dhe është në favor të vazhdimit të mbështetjes së Ukrainës”, ka thënë Oleksandr Merezhko, një anëtar i parlamentit të Ukrainës.
“Kjo do të thotë gjithashtu se nuk ka ‘lodhje’ në Perëndim në lidhje me Ukrainën”, ka shtuar Merezhko, i cili gjithashtu kryeson komitetin e punëve të jashtme të parlamentit.
“Për sa i përket përqindjes së buxhetit ushtarak, Estonia është një nga mbështetësit tanë më të mëdhenj dhe duhet të jetë një model për shumë vende të tjera të BE-së”, tha ai. “Unë shpesh them, ‘bëhu si Estonia!’”. /Telegrafi/
Lufta Prigozhin - Putin
Më shumëNga Rubrika
Këta janë aeroplanët ‘Rafale’ që do të mbrojnë qiellin në Kroaci – të cilët i do edhe Serbia
Pamje që tregojnë momentin kur ukrainasit ‘fshijnë nga faqja e dheut’ pjesë të sistemit rus që kushton 5 milionë dollarë
Vulin: Kush mendon keq për Putinin, mendon keq edhe për Vuçiqin
Vulin: Kush mendon keq për Putinin, mendon keq edhe për Vuçiqin
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Dy udhëheqësit mbikëqyrin stërvitjet ushtarake përgjatë kufirit Poloni-Lituani – në ‘zonën strategjike’ në rast të një përplasjeje midis Rusisë dhe NATO-s
Hamasi thotë se ka marrë përgjigjen e Izraelit ndaj propozimit të tij për armëpushim
Zelensky tregon tri llojet e armëve që i duhen Ukrainës për të mposhtur Rusinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë