Ushtarët rusë ankohen për kushte të rënda dhe humbje të mëdha: Përshëndetje nga vija e parë – këtu është një katastrofë e ndyrë

Natën e kaluar CNN transmetoi pamjet e ushtarëve rusë, duke thënë se janë ngopur me kushtet në vijën e frontit në Ukrainë.

Një ushtar thotë se njësia e tij tashmë është mbushur gjashtë herë me ushtarë të sapomobilizuar. Duke thirrur presidentin rus Vladimir Putin për ndihmë, ushtari thotë: “Nuk kemi kujt t’i drejtohemi”, transmeton Telegrafi.

CNN transmetoi një video tjetër, në të cilën një ushtar rus thotë se situata në terren në lindje të Ukrainës është “totalisht e keqe”, duke vënë në dukje se një nga tanket e njësisë së tij u përfshi nga zjarri.

Lexo po ashtu Pavarësisht se ia kishte shqyer jelekun antiplumb plumbi i kalibrit të madh, ushtari ukrainas i mbijeton më të keqes

“Përshëndetje direkt nga vija e parë. Dëshmi e dorës së parë të asaj që po ndodh këtu. Kjo është një fatkeqësi e ndyrë”, thotë ai.

Presidenti ukrainas Volodymyr Zelensky tha se situata është jashtëzakonisht e vështirë në lindje të vendit, ku forcat ruse kanë avancuar javët e fundit, veçanërisht pranë Bakhmutit.

Lexo po ashtu Si ra ushtria ruse në kurthin e ukrainasve dhe humbi betejën më të madhe të tankeve për Vuhledarin?

“Situata në vijën e frontit është ende jashtëzakonisht e vështirë, veçanërisht në rajonet Donetsk dhe Luhansk. Beteja po zhvillohet fjalë për fjalë atje për çdo centimetër të tokës ukrainase”, shtoi Zelensky.

“Prandaj shpejtësia është vendimtare. Shpejtësia në çdo gjë – miratimi i vendimeve, zbatimi i vendimeve, dërgimi i furnizimeve, trajnimi… Shpejtësia shpëton jetë njerëzore, shpejtësia rikthen sigurinë”, theksoi ai. /Telegrafi/