Volvo 740 i braktisur e shfaq pamjen origjinale pas larjes së parë në 12 vite

Ka disa njerëz që kanë rritur një dashuri për “vagonët” – e siç shkruajnë nga Motor1, përfshirë edhe stafin e tyre. Majk, një anëtar i ri i ekipit në WD Detailing, është një nga ata njerëz, kështu që mund ta imagjinoni vetëm ngazëllimin e tij kur mësoi se makina me të cilën po punonin ishte një Volvo 740 e vitit 1990.

Volvo 740 u ble nga njerëzit në WD Detailing nga një skrap. Sipas tyre, tashmë është planifikuar të shtypet, por në vend të kësaj, ata vendosën ta pastrojnë dhe t’i japin një shans të dytë për jetë. Ata zbuluan gjithashtu se vetura ishte mjaft e mirëmbajtur, gjë që u dha atyre shpresë se mund ta vinin përsëri në punë.

Por së pari, ekipi duhej të pastronte së pari këtë vagon klasik për të hequr qafe pluhurin, mykun dhe mbeturinat e 12 viteve të fundit. Pjesa e brendshme ishte goxha e ngatërruar si dhe kishte shumë myk, probleme të cilat kërkonin një proces tjetër për t’u detajuar, transmeton Telegrafi.

Ata filluan me rrotat, të cilat ata besonin se ishin disa nga rrotat më të bukura që ishin parë ndonjëherë në një makinë. Më pas, boja e jashtme, e cila u la me presion, pastaj u la me argjilë dhe u lëmua për të zbuluar një trup praktikisht të padëmtuar që fshihej nën të gjithë papastërtitë e grumbulluara gjatë viteve.

Më pas, ata kaluan në pastrimin e pjesës së brendshme dhe të kompartimentit të motorit, duke u përpjekur që Volvo të funksiononte në këtë proces. Kjo e fundit rezultoi e suksesshme, falë anëtarit të ri të skuadrës, Mike. Ai ka qenë edhe ai që ka pastruar interierit, duke folur për dashurinë e tij për këtë makinë gjatë këtij procesi.

Me Volvo 740 të vitit 1990 të rikthyer në gjendjen e tij origjinale, është koha për surprizën e ekipit për fillestarin. Siç ishte planifikuar që në fillim, qëllimi është që vagoni të rikthehet në funksion dhe t’i jepet Mike-ut si dhuratë. Ishte një pamje që ngroh zemrën dhe ne mund të imagjinojmë vetëm gëzimin që ndjeu Mike me marrjen e çelësave. /Telegrafi/