Një zog shpëtoi një familje të tërë nga tërmeti në Turqi, nisi të bënte tinguj të çuditshëm para se të ndodhnin lëkundjet

Një zog i llojit paraket i shpëtoi jetën familjes së saj duke bërë tinguj të ‘çuditshëm’ përpara tërmetit shkatërrues të Turqisë.

Familja e kishte blerë zogun Mavis vetëm tre muaj para tragjedisë, transmeton Telegrafi.

Siç raportohet, familja Cimen kishte shijuar shoqërinë e saj në shtëpinë e tyre në Pazarcik, por vuri në dukje se zogu këndonte rrallë dhe ishte më i qetë se zogjtë e tjerë paraket.

Por Mavis filloi të vërtiste rreth shtëpisë dhe bënte tinguj ‘të çuditshëm’ në agimin e 6 shkurtit.

Si rezultat, kur tërmeti me magnitudë 7.8 goditi rajonin, familja u ngrit dhe mundi të shpëtonte nga shtëpia e tyre.

Mustafa Cimen, 17-vjeçar, i tha agjencisë shtetërore të lajmeve Anadolu: “Gjysmë ore para tërmetit, zogu bëri një zhurmë të çuditshme gjatë natës, kur drita nuk ishte ndezur.

“Po tundte krahët dhe po hidhej nga një vend në tjetrin në kafaz”.

“Falë zogut, tërmeti nuk na zuri në gjumë”.

Mavis u lejua të dilte nga kafazi i saj dhe ishte miqësore me njerëzit, tha familja e saj.

Zogu ishte parë si një maskotë nga banorët në banesën e përkohshme ku Mustafa është strehuar. /Telegrafi/