“Ai dëshironte të largohej nga Turqia, anuloi biletën një ditë para tërmetit” – fakte të reja dalin për Christian Atsu i cili mbetet ende i zhdukur

Kërkimi për Christian Atsu po vazhdon, pasi futbollist i Hatayspor, është ende i zhdukur pas tërmetit që deri më tani ka marrë mbi 41,000 jetë në Turqi.

Ndërkohë, detaje të reja vijnë për orët e fundit të futbollistit nga Gana, fati i trishtë i të cilit i ka pikëlluar të gjithë.

Drejtori i Përgjithshëm i Hatayspor, Fatih Ilek, zbuloi sfondin dramatik të ngjarjes, duke theksuar se Atsu kishte planifikuar të kthehej në familjen e tij, por anuloi fluturimin e tij disa orë para tërmetit.

“Ai foli me trajnerin duke kërkuar ditë pushimi pas ndeshjes kundër Gaziantep. Ai planifikoi të largohej nga klubi dhe të gjente një ekip të ri dhe kërkesa e tij u pranua nga trajneri Volkan Demirel dhe ai nuk luajti kundër Gaziantep”.

“Ai duhej të shkonte në Francë për t’u bashkuar me familjen e tij, por kur luajti mirë dhe shënoi një gol në ndeshjen e radhës kundër Kasimpasa, ai anuloi biletën e tij të avionit. Tërmeti ndodhi pothuajse në të njëjtën ditë. Ai kishte një fluturim në orën 23:00, por e anuloi fluturimin”.

“Më pas ndodhi tërmeti në orën 4 të mëngjesit. Tragjedi”, tregon Ilek, shkuan Corriere dello Sport .

Atsu ishte pjesë e skuadrës së Newcastle që u rikthye në Ligën Premier në vitin 2017 pasi u bashkua si huazim nga Chelsea dhe më vonë e bëri këtë lëvizje të përhershme.

Ai gjithashtu pati periudha të shkurtra te Everton dhe Bournemouth, përpara se të transferohej te Hatayspor në 2021. /Telegrafi/