Sot skadon afati për ndryshimin e emrave të klubeve bullgare

Sot skadon afati për riemërtimin e shoqatave dhe fondacioneve në vend, emrat e të cilëve lidhen me fashizëm, nazizëm apo gjenocid.

Kjo parashikohet në ndryshimet ligjore që u mbështetën si nga qeveria ashtu edhe nga opozita nëntorin e kaluar, sipas të cilave shoqata të tilla kishin afat prej tre muajsh për të harmonizuar emrin apo titullin e tyre, ose parashikohet mbyllja e tyre.

Shoqata bullgare “Car Boris Treti” nga Ohri javën e kaluar tashmë ka paraqitur kërkesë në Regjistrin Qendror për ndryshimin e emrit, gjë që nuk është rasti me qendrën bullgare “Ivan Mihajllov” në Manastir.

Në fillim të nëntorit të vitit të kaluar, Kuvendi miratoi ndryshimet në Ligjin për shoqatat dhe fondacionet, sipas të cilave u ndalohet shoqatave civile, fondacioneve dhe partive politike të përdorin emra, pseudonime, që kanë të bëjnë me fashizmin, nazizmin, gjenocid, Rajhu i Tretë etj.

Ligji për Shoqatat dhe Fondacionet parashikon që miratimin për përdorimin e emrit, mbiemrit, pseudonimit, shkurtesës ose inicialeve të një figure historike e jep Ministri i Drejtësisë pas një mendimi pozitiv të marrë më parë nga Komisioni i Përdorimit të Emrat e Figurave Historike, e cila është vendosur vetë ministri./Telegrafi/