Bujar Osmani kërkoi nga Transnistria që të respektojë parimet dhe angazhimet e OSBE-së
Kryesuesi i OSBE-së, Bujar Osmani, ka zhvilluar sot takim me Vadim Krasnoselski, liderin e Transnistrisë dhe Kryenegociatorin e tyre politik, Vitali Ignjatiev. Transnistria është një shtet i vetëshpallur në kufirin lindor të Moldavisë me Ukrainën.
Fokusi i diskutimit në këto takime ishte iniciativa e OSBE-së për të inkurajuar negociata më thelbësore ndërmjet Qeverisë së Moldavisë dhe autoriteteve të Transnistrisë. Osmani theksoi se për OSBE-në është e një rëndësie të madhe që palët të zgjedhin rrugën paqësore për zgjidhjen e sfidave, duke pasur parasysh se në të gjitha këto ndikim të madh ka agresioni ushtarak i Federatës Ruse kundër Ukrainës. Kryesuesi i Organizatës theksoi se do t’i kushtojë vëmendje të veçantë dimensionit njerëzor të procesit dhe do të ofrojë mbështetje mbi të gjitha për njerëzit.
“E vlerësoj atë që qysh nga fillimi i luftës në Ukrainë, ju keni përsëritur në shumë raste se Transnistria është e përkushtuar ndaj paqes. Këto pikëpamje tuajat janë shumë të rëndësishme për stabilitetin dhe paqen në rajon. Kryesimi ynë mbetet i përkushtuar për t’u ndihmuar palëve në gjetjen e zgjidhjeve praktike për të tejkaluar sfidat dhe për të parandaluar kthimin e procesit prapa. Besoj se do të këmbëngulni në të për të mirën e qytetarëve të të dyja palëve”, theksoi Osmani në takim.
Në takim ai theksoi se është jashtëzakonisht e rëndësishme të intensifikohet ndërveprimi me të dy negociuesit kryesorë dhe ekspertët nga grupet e punës, duke iu referuar mbështetjes nga Misioni i OSBE-së në Moldavi, i cili ka rol kyç në ruajtjen e dialogut politik të udhëhequr nga OSBE-ja dhe përpjekjet e Përfaqësuesit Special për zgjidhjen e problemit me Transnistrinë, Ambasadorit Tomas Majr-Harting.
Qëllimi kryesor i Organizatës, siç theksoi Osmani gjatë takimeve, është që të dyja palët të zbatojnë kornizën e dakorduar në 8 fusha. Ai theksoi se edhe pse procesi 5+2 është pezulluar, ky mbetet i vetmi format formal, i dakorduar reciprokisht i negociatave. “E mbështes idenë për të gjetur një mënyrë për të vazhduar bisedimet formale apo joformale 5+2, për ta mbajtur procesin në rrugën e duhur”, tha Osmani.
Kryesuesi i Organizatës theksoi se OSBE-ja do të përdorë të gjitha mekanizmat dhe mjetet e saj për të lehtësuar negociatat ndërmjet dy palëve, duke theksuar se Përfaqësuesi Special për Transnistrinë në koordinim me Misionin në terren të OSBE-së në Moldavi do të bëjnë gjithçka që është në fuqinë e tyre për të gjetur mënyra që të çojnë proceset përpara.
“Të dyja palët duhet të ndërtojnë besimin para së gjithash, sepse kjo është e nevojshme për të ecur përpara drejt zgjidhjes së çështjeve më komplekse. Dëshiroj të theksoj rëndësinë e respektimit të të drejtave të njeriut në përputhje me parimet dhe angazhimet e OSBE-së, sepse këto të drejta paraqesin shtyllat themelore të çdo shoqërie demokratike”, theksoi Osmani.
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Konkursi për gradimin e policëve, dyshohet për favorizime të familjarëve të eprorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë