Nacionalistët serbë në Mal të Zi, këndojnë këngë shoviniste për Kosovën, dhe mbështesin pushtimit rus në Ukrainë

Gjatë të dielës, në Podgoricë të Malit të Zi, nacionalistët serbë kanë mbajtur një tubim në mbështetje të pushtimit rus në Ukrainë.

Ata po ashtu kanë kënduar këngë shoviniste për Kosovën.

Analist i Ballkanit Perëndimor nga Instituti i Evropës së Re, Jakub Bielamowicz, ka publikuar disa pamje ku shihen veprimet e serbëve.

Ai ka thënë se NATO po e injoron plotësisht kërcënimin që paraqet nacionalizmi serb në një shtet anëtar të saj.

“Pamjet urrejtëse nga kryeqyteti i Malit të Zi, Podgorica, ku nacionalistët serbë organizojnë një tubim në mbështetje të pushtimit të Rusisë në Ukrainë, duke kënduar gjithashtu këngë për Kosovën. NATO e injoron plotësisht kërcënimin që paraqet nacionalizmi serb në këtë shtet anëtar”, shkroi ai.

Ndërsa sipas fotografive, prapavijë, shihet një flamur ku në hartën e shtetit të Kosovës është vendosur flamuri serbe.

Po ashtu shihet edhe flamuri i Rusisë ku në të është vendosur shenja “Z”, e cila është një simbol i luftës së Rusisë në Ukrainë.

Odious footage from Montenegro’s capital Podgorica where Serb nationalists stage a rally in support of Russia’s invasion on Ukraine, singing also laments about Kosovo.

NATO completely ignores the threat posed by the Serb nationalism in this member state. pic.twitter.com/Vhi6TbSTZ9

— Jakub Bielamowicz (@KubaBielamowicz) February 12, 2023