Presidenti i ri i Juventusit, Gianluca Ferrero do të tentojë të rregullojë bilancet e klubit

Gianluca Ferrero është emërua zyrtarisht si presidenti i ri i gjigantit italian të futbollit Juventus, pasi Andrea Agnelli dha dorëheqjen në fund të nëntorit të vitit të kaluar.

I gjithë Bordi i Drejtorëve të Juventusit, duke përfshirë presidentin Andrea Agnelli dhe nënpresidentin Pavel Nedved, dhanë dorëheqjen në atë kohë për shkak të akuzave për kontabilitet mashtrues.

Ferrero ishte kandidati i përzgjedhur nga Exor, kompani e familjes Agnelli, e cila kontrollon 63.8 për qind të aksioneve të klubit më të suksesshëm italian.

L'Assemblea degli Azionisti del 18 gennaio 2023

— JuventusFC (@juventusfc) January 18, 2023

Në asamblenë e përgjithshme të sotme, aksionarët zgjodhën Bordin e ri të Drejtorëve në detyrë deri në vitin 2025, i cili më pas emëroi Ferreron si president dhe Maurizio Scanavino si CEO.

Drejtuesit e rinj drejtues do të kenë për detyrë të përmirësojnë situatën sportive të Zonjës së Vjetër, por mbi të gjitha situatën shqetësuese financiare.

Le parole di Gianluca Ferrero e Maurizio Scanavino dopo l’Assemblea degli Azionisti.

Tra poco live 🎥⤵️

— JuventusFC (@juventusfc) January 18, 2023

Konkretisht, klubi ka shënuar humbje prej më shumë se 200 milionë euro, dhe është në shënjestër të drejtësisë italiane për shkak të parregullsive të mundshme financiare dhe kontabilitetit të rremë.

Juventus aktualisht është në vendin e tretë në Serie A me 37 pikë, pra 10 më pak se Napoli kryesues./Telegrafi/