Mourinho me deklaratë shpërthyese për veprimin që bëri Chelsea ndaj Mudryk

Jose Mourinho ka kritikuar Chelsean pasi klubi shpenzoi 100 milionë euro për të nënshkruar me Mykhaylo Mudryk nga Shakhtar Donetsk.

Blutë rrëmbyen shënjestrën e Arsenalit, duke arritur shpejt në një marrëveshje me klubin ukrainas. Topçinjtë kishin ndjekur për një kohë të gjatë 21-vjeçarin, por panë disa oferta të refuzuara përpara se rivalit i tyre të hynte.

Me Blutë që po luftojnë nën drejtimin e Graham Potterit për formë, ata shpejt arritën një marrëveshje për të nënshkruar me Mudryk. Për ta bërë këtë, ata menjëherë ranë dakord të paguanin çmimin e kërkuar prej 100 milionë euro të Shakhtarit, përmes një kombinimi të një tarife paraprake dhe shtesave – të cilat Arsenali kishte hezituar ta bënte.

Mudryk ishte shpërthyese në pjesën e parë të sezonit me gjigantët ukrainas me 11 gola në 19 paraqitje – përfshirë tre gola në fazën e grupeve të Ligës së Kampionëve.

Ish-trajneri i Bluve, Mourinho iu referua marrëveshjes në konferencën e tij për shtyp pas ndeshjes të dielën, pasi skuadra e tij fitoi me dy gola në shtëpi ndaj Fiorentinës në Serie A. Kjo erdhi pasi diskutimi kaloi te transfertat e janarit te Giallorossët.

“Unë nuk pres që dikush të arrijë”, deklaroi Mourinho pas ndeshjes. “Drejtori (Tiago Pinto) ishte shumë i sinqertë dhe i drejtpërdrejtë, ai tha gjëra në një intervistë që një trajneri zakonisht nuk i pëlqen t’i dëgjojë. Trajnerët duan gjithmonë të dëgjojnë se kemi shumë para, mund të blejmë opsionin a, b, c, d, të ndërtojmë një ekip të jashtëzakonshëm. Kjo është ëndrra”.

“Kam punuar në klube me ato lloj fondesh praktikisht të pakufishme. Ka gjithnjë e më shumë klube në ditët e sotme që i përshtaten atij profili, por nuk është profili ynë. Ne punojmë, japim gjithçka, punojmë me karakteristikat që kemi”.

Më pas Mourinho filloi të flasë për zgjidhjet për lëndimet dhe formën nga brenda skuadrës së tij, përpara se të shtonte qartë për veprimin e Chelseat: “Duhet të gjejmë një zgjidhje, nuk mund ta blejmë Mudryk vetëm për 100 milionë euro!”.

Mudryk ishte në Stamford Bridge teksa Chelsea mposhti Crystal Palace falë një goli nga Kai Havertz. Ardhja e tij i çoi nënshkrimet e Bluve në pesë këtë muaj dhe Potter është i kënaqur që ka mposhtur Arsenalin me nënshkrimin e ukrainasit. /Telegrafi/