Libri autobiografik i Princit Harry thyen rekordet e të gjitha kohërave, shiten mbi 1.4 milion ekzemplarë vetëm në ditën e parë të botimit

Princi Harry ka shënuar një rekord me librin e tij autobiografik “Spare”, pasi versioni në gjuhën angleze shiti më shumë se 1.4 milion kopje në ditën e parë të publikimit.

Shitjet e parakohshme përfshinin të gjitha formatet e librit – letër, audio dhe elektronike – në ShBA, Kanada dhe Mbretërinë e Bashkuar, sipas një deklarate të lëshuar të mërkurën nga shtëpia botuese e librit ‘Penguin Random House’, shkruan CNN.

“Dita e parë e plotë e shitjeve të ‘Spare’ përfaqëson totalin më të madh të shitjeve të ditës së parë për çdo libër jofiktiv të botuar ndonjëherë nga ‘Penguin Random House’, botuesi më i madh tregtar në botë”, tha ‘Penguin Random House’ në një deklaratë.

Libri autobiografik i Harryt prej 410 faqesh doli zyrtarisht në shitje të martën, me disa dyqane në Londër të hapura në mesnatë në pritje të kërkesës së lartë. Kopjet e versionit spanjoll u publikuan ditë më parë, duke çuar në një vorbull titujsh dhe zbulimesh në mediat globale.

‘Random House’ tha gjithashtu se tirazhi i parë në ShBA e librit autobiografik të Harryt ishte dy milionë kopje dhe tani libri është “rikthyer për të kërkuar kopje shtesë për të përmbushur kërkesën”.

Botuesi kishte premtuar “ndershmëri të papërpunuar dhe të palëkundur” nga princi, i cili ka rrëfyer versionin e pakortuar audio të librit. “Spare” ka dalë në shitje në 16 gjuhë në mbarë botën.

Duka i Sussexit në libër nuk përmbahet në pothuajse asgjë, ndërsa rrëfen perceptimin e publikut se si ai është princi argëtues, i pakujdesshëm, duke u thelluar në ndikimin shkatërrues të vdekjes së nënës së tij dhe duke eksperimentuar me ilaçet si një metodë për të përballuar pikëllimin dhe përpjekjet e tij për të gjetur dashurinë.

Është në pika rrëqethëse dhe hiperkritike ndaj disa anëtarëve të familjes, të cilët nuk po mbrojnë veten pasi pallati nuk po i përgjigjet pretendimeve dhe zbulon biseda thellësisht personale, pavarësisht akuzave të mëparshme të Harryt kundër mediave për shkelje të privatësisë.

“I cenueshëm dhe i sinqertë, i guximshëm dhe intim, ‘Spare’ është historia e dikujt që mund të kishim menduar se e njihnim tashmë, por tani mund të arrijmë ta kuptojmë vërtet Princin Harry përmes fjalëve të tij”, tha Gina Centrello, presidente dhe botuese e librave në ‘Random House Group’.

“Spare” theu rekordin e librit autobiografik të Barack Obamës në vitin 2020 “A Promised World” shiti 887,000 kopje në të gjitha formatet në ditën e parë në ShBA dhe Kanada, duke thyer rekorde në atë kohë rekordin e librit “Crown”. /Telegrafi/