Britanikja tregon se cila është pjesa më e vështirë e të jetuarit në bllok banesash në mes të një rrethrrotullimi

Një nënë që jeton në mes të një rrethrrotullimi ka thënë se është një vend i çuditshëm për të jetuar me vajzën e saj – dhe ka treguar se cila është pjesa më e vështirë e gjithë kësaj.

Chelsea ka dy vjet që jeton në një apartament në Penywaun në Uells, midis qytetit Aberdare dhe Hirwaun, transmeton Telegrafi.

Shumica e rrethrrotullimeve në Mbretërinë e Bashkuar kanë ndoshta disa pemë dhe shkurre, një sërë tabelash apo ndoshta edhe disa vepra arti, por aty ku jeton Chelsea është një bllok i tërë banesash.

Blloku krijon një pamje të pazakontë, me shtigje që të çojnë poshtë nga katër seksione të rrethrrotullimit.

Janë nëntë banesa në bllok, dy prej të cilave kanë hyrje në nivel rruge dhe shtatë të tjerat janë pas një dere të mbyllur.

Duke folur për WalesOnline se si është të jetosh atje, Chelsea tha: “Është pak e çuditshme. Unë jetoj këtu për dy vjet, dhe ju thjesht mësoheni me të’.

Chelsea ka një vajzë të vogël dhe tha se është e ‘vështirë’ të jetosh në rrethrrotullim, pasi shqetësohet për trafikun që vinte drejt bllokut me shpejtësi.

“Makinat zbresin nga kodra me një ritëm”, tha ajo, “dhe autobusët e shkollës gjithashtu, sepse ka një kompleks afër, kështu që ka rreth 10 autobusë shkollorë”.

Chelsea tha se nuk do të donte ta linte vajzën e saj të luante jashtë dhe ‘mezi pret’ të zhvendoset diku tjetër kur të lindte fëmijën e saj të dytë. /Telegrafi/