Osmani uron Suedinë për marrjen e kryesimit të Presidencës së BE-së

Presidentja Vjosa Osmani ka uruar Suedinë me rastin e marrjes së kryesimit të Presidencës së radhës të Bashkimit Evropian (BE).

Ajo me këtë rast ka thënë se mezi presin të punojnë së bashku në përmbushjen e objektivave të përbashkëta.

“Ua uroj partnerëve tanë suedezë një Presidencë të suksesshme të Këshillit të BE-së. Mezi presim të punojmë së bashku për të përmbushur objektive tona të përbashkëta, për ta sjellë Kosovën më afër BE-së dhe për të forcuar unitetin kundër përpjekjeve për të minuar vlerat dhe interesat tona të përbashkëta”, ka shkruar Osmani në Twitter.

Ndryshe, Suedia sot më 1 janar merr kryesimin e Presidencës së radhës të Bashkimit Evropian (BE) e cila ndryshon një herë në 6 muaj. Presidencën e BE-së të njohur edhe si Presidenca e Këshillit të BE-së, Suedia do ta marrë nga Çekia.

Wishing our Swedish partners a successful Presidency of the EU Council.

We look forward to working together to meet our shared @sweden2023eu objectives, to bring Kosovo closer to the EU & to strengthen unity against efforts to undermine our common values and interests.

— Vjosa Osmani (@VjosaOsmaniPRKS) January 1, 2023