Ish-prokurori italian: Juventusi nuk rrezikon rënien nga kategoria

Sistemi i drejtësisë sportive sapo ka filluar me Juventusin dhe mund të tërheqë disa klube të reja në hetim, por zbritja në Serie B nuk ka gjasa.

Bianconerët fillimisht ishin liruar nga keq bërjet në seancat dëgjimore të prillit dhe majit për tarifat e fryra të transferimeve për të rritur fitimet kapitale, sepse ishte e pamundur të vërtetohej vlera e një lojtari përveç tarifës me të cilën bien dakord dy klubet.

Megjithatë, prokurori i FIGC-së ka apeluar për të rrëzuar atë vendim bazuar në provat e reja të nxjerra nga hetimi i Prisma-s.

Kjo u krye nga policia, kështu që ata kishin qasje në përgjimet, të cilat lanë të kuptohet se drejtorët e Juventusit e dinin se tarifat ishin të fryra artificialisht, disa prej tyre fajësuan drejtorin aktual të Tottenham Hotspur, Fabio Paratici për shtyrjen e sistemit teknikisht ligjor ‘shumë larg’.

Megjithatë, ky është vetëm fillimi, sepse tenton të rihapë çështjen e mëparshme, ndërsa raportohet se prokurori i FIGC do të përdorë provat e Prisma për të nisur një hetim të ri ndaj klubeve që kanë bërë marrëveshje me Juventusin, duke përfshirë Atalantan, Sassuolon dhe Udinesen.

Ndërkohë, ish-prokurori i FIGC, Luigi De Ficchy i tha Calciomercato.it se çfarë mund të presin Bianconerët.

?Luigi De Ficchy, ex procuratore aggiunto della FIGC, a TVPlay: “Da codice di giustizia sportiva la #Juve rischia molto, sicuramente la penalizzazione ma non credo la retrocessione”?https://t.co/up8C9l4LyU

— calciomercato.it (@calciomercatoit) December 28, 2022

“Juventusi është në rrezik për sistemin e drejtësisë sportive. Pa dyshim rrezikojnë një dënim me pikë, por nga sa kam lexuar për provat, nuk mendoj se do të çojë në rënie nga kategoria. Një nga kriteret themelore për të vendosur mbi sanksionet është nëse ato ndërhyjnë në rezultatet në fushë”, ka thënë De Ficchy.

Kjo është pjesa e fitimeve kapitale, por ka një hetim krejtësisht të ri ndaj Juventusit për marrëveshjet private me lojtarët për të paguar pagat e prapambetura fshehurazi gjatë pandemisë në vend që të heqin dorë tërësisht.

Deri më tani, vetë lojtarët nuk janë nën hetim apo konsiderohen si bashkëpunëtorë në këto marrëveshje të supozuara, jo për drejtësinë sportive apo sistemin e drejtësisë civile. /Telegrafi/