Dimri ekstrem në SHBA: 800 mijë pa energji elektrike, 20 të vdekur – mijëra fluturime të anuluara

Për shkak të ftohtit arktik që goditi pjesën më të madhe të SHBA-së dje, më shumë se 800 mijë njerëz mbetën pa energji elektrike, të paktën 20 persona vdiqën në aksidente trafiku dhe mijëra u bllokuan për shkak të fluturimeve të anuluara.

Temperaturat jashtëzakonisht të ftohta në vigjiljen më të ftohtë të Krishtlindjeve në histori, kanë vënë shumë presion mbi sistemet energjetike në të gjithë vendin, për shkak të kërkesës së lartë për ngrohje dhe dëmtimit të linjave të furnizimit të shkaktuar nga stuhitë, transmeton Telegrafi.

Këto ndërprerje kanë kthyer përmbys zakonet dhe planet e pushimeve të miliona amerikanëve, gjatë periudhës më të ngarkuar të udhëtimit të vitit. Më shumë se 2,500 fluturime u anuluan të shtunën, pas 5,000 të premten, sipas sistemit të gjurmimit të fluturimeve FlightAware.

Të paktën 20 persona kanë humbur jetën në aksidente trafiku të shkaktuara nga moti, ndërsa qindra të tjerë kanë mbetur të bllokuar në rrugët me akull dhe borë, raportojnë mediat amerikane.

Minneapolis ishte pika më e ftohtë në SHBA të shtunën, ku u mat temperatura deri minus 21 gradë. Në mëngjesin e Krishtlindjeve, vendi më i ftohtë është Fargo, Dakota e Veriut, në gati minus 30.

Moti do të jetë mesatar nga e marta nga perëndimi në lindje të Amerikës, në malësi dhe në qendër të SHBA-së, por në bregdetin lindor nuk do të ngrohet deri të enjten apo të premten.

Moti ekstrem ka detyruar autoritetet në të gjithë vendin të hapin qendra ngrohjeje në biblioteka dhe stacione policie, për të mbrojtur të pastrehët.

Instituti Shtetëror Meteorologjik, njoftoi se harta e rreziqeve meteorologjike aktuale dhe të ardhshme, ka “paralajmërimet më të shumta për kushtet e dimrit deri më tani”. /Telegrafi/

Wild scene from Buffalo as homes are fully covered in Snow.#Buffalo #NY #newyork #snow #WinterStorm #WinterSolstice

TELEGRAM JOIN 👉 https://t.co/anmxTr9HCh pic.twitter.com/NY5ftRnUUX

— Disaster News (@Top_Disaster) December 25, 2022

At least 9 people died due to a snow storm in the United States. In the video, the states of New York and Michigan.

According to the media, due to strong winds and a sharp cold snap, more than a million households were left without electricity.#WinterStorm #USA pic.twitter.com/l4dOEo1fdq

— WBC Defenders (@WBCdefenders) December 24, 2022