Ndihmojnë në lehtësimin e fryrjeve dhe largimin e toksinave: Tri çaje që veprojnë si diuretikë natyralë

Çajet që do t’ju ndihmojnë të nxirrni tepricën e lëngjeve nga organizmi

Diuretikët i ndihmojnë trupit që të lirohet nga lëngjet e grumbulluara, domethënë ujit dhe natriumit.

Veprojnë kryesisht duke nxitur veshkat që të nxjerrin sasi më të madhe natriumi nëpërmjet urinës.

Pos ilaçeve me veti diuretike, shumica e ushqimit me prejardhje bimore ka veti të ngjashme, transmeton Telegrafi.

1. Çaj luleradhiqe

Problemet e tretjes janë të zakonshme dhe mund të jenë shumë të lodhshme në funksionimin e përditshëm. Për shkak të vetive të tij detoksifikuese, aftësisë për të neutralizuar radikalet e lira, ky çaj mund të jetë i dobishëm, sipas shumë studimeve.

2. Çaji jeshil

Çaji jeshil, ashtu si çaji i zi, ka efekte të shumta të dobishme. Ndër të tjera janë diuretikë të mirë. Jo vetëm që çaji jeshil nuk përmban kalori, por mund t’ju ndihmojë të digjni yndyrën dhe të humbni kilogramët e padëshiruar. Përgatitni çaj jeshil të freskët pa asnjë aditiv.

3. Çaji i majdanozit

Majdanozi stimulon nxjerrjen e lëngjeve nga organizmi, ndaj është shumë i dobishëm për shëndetin e veshkave dhe të gjithë rrugëve urinare. Rrënja e majdanozit vepron si një diuretik natyral.

Përveçse nxit nxjerrjen e lëngjeve, nxit edhe eliminimin e kripës nga organizmi, e cila për pasojë ndikon në uljen e presionit të gjakut. Për arsye të ngjashme, mund të ndihmojë në luftimin e obezitetit. Çaji i majdanozit rrit elasticitetin e enëve të gjakut, gjë që redukton rrezikun e sëmundjeve të zakonshme kardiovaskulare. /Telegrafi/