Zeekr publikon më shumë foto të robotaksi M-Vision

M-Vision nga Zeekr është një nga shumë koncept veturat që tregojnë të ardhmen e shërbimit taksi pa shofer. Dallimi është se M-Vision po vjen në SHBA dhe do të jetë pjesë e flotës autonome të taksive të Waymo.

Automjeti është projektuar bazuar në platformën Zeekr SEA-M e cila është modifikuar për të mbështetur opsionin pa shofer. Vetura duhej të projektohej nga e para dhe duke qenë se ishte i destinuar për shërbim taksi dhe transporti, kishte kërkesa të ndryshme.

Hapësira e brendshme është shfrytëzuar deri në milimetrin e fundit me sediljet e përparme rrotulluese që ofrojnë për ta kthyer makinën në një sallë konferencash me rrota. Ne e kemi parë këtë në shumë makina konceptuale, por M-Vision po e sjell atë në veturën e re, raporton Arena EV, transmeton Telegrafi.

Shtylla B është hequr për ta bërë më të lehtë hyrjen dhe daljen nga makina. Vetëm kjo veçori kishte nevojë për një ri-inxhinierim serioz, por ekipi i projektimit me bazë në Seden pretendon se automjeti është po aq i sigurt sa çdo veturë tjetër aktuale.

Dizajni i përgjithshëm është mjaft neutral dhe “futurist” për të mos u konsumuar shpejt dhe do të mbetet i freskët për shumë vite në vijim – në pjesë e rëndësishme për një veturë të kësaj flote. Si dera rrëshqitëse e pasme ashtu edhe ajo e përparme e bëjnë brendësinë të duket e gjerë.

Platforma e makinës është një platformë e përshtatur SEA që tashmë mbështet makina të tilla si Volvo, Polestar dhe Lotus, madje Smart #1 dhe Smart #3 më të fundit janë ndërtuar mbi të. “M” përfaqëson modifikimet specifike për robotaksi dhe MPV me një bazë të madhe të rrotave që varion nga 2.7 metra në 3.3 metra.

Edhe pse kompania nuk ka konfirmuar ende ndonjë specifikim, vetura pritet të përshkojë gjysmë milioni kilometra në vetëm pesë vjet me ndërrime të pritshme 16 orëshe, gjë që lë 8 orë në ditë për karikim. /Telegrafi/