Sam Smith merr vëmendjen me veshjen plot shkëlqim në koncertin e “Jingle Ball”

Sam Smith u sigurua që të gjithë sytë ishin tek ai ndërsa u ngjit në skenën e “Capital’s Jingle Bell Ball” në “The O2 Arena” të Londrës të shtunën.

Këngëtari 30-vjeçar performoi disa nga hitet e tij më të mëdha gjatë koncertit dhe argëtoi turmën i veshur me një kostum argjendi, shkruan DailyMail.

Veshja shkëlqyese paraqiste një dekolte të hapur dhe një detaj të qëndisur me teja, ndërsa Sam gjithashtu kishte një rrip të ngjashëm.

Smith kishte veshur edhe një palë çizme të zeza gjatë koncertit së bashku me një gjerdan me diamant argjendi.

Sam mbërriti në ngjarjen e mbushur me yje i mbuluar me një pallto të gjatë të zezë me prerje leshi artificial.

Përpara performancës së tij, Sam bisedoi në prapaskenë me drejtuesen e “Capital FM”, Sian Welby.

Të shtunën në skenë me hitet e tyre më të mëdha ishin përveç Samit edhe: Coldplay, Lewis Capaldi, Tom Grennan, KSI, Mimi Webb, Sigala, Nathan Dawe dhe MistaJam & Friends ft LF System, Eliza Rose dhe Belters Only.

Të dielën mbrëma, Stormzy, Dua Lipa, Aitch, Becky Hill, Tiësto, George Ezra, Joel Corry, MistaJam & Friends ft LF System, Eliza Rose dhe Belters Only performuan gjithashtu për të pranishmit festiv të koncertit. /Telegrafi/