Investitorët e Tesla-s i thonë Elon Muskut ‘të ndalojë së humburi kohë’ në Twitter

Disa postime të Elon Musk për politikën dhe jo vetëm kanë nxitur disa investitorë të Tesla-s të shesin aksionet e tyre, raportoi Bloomberg.

Personi më i pasur në botë – i cili humbi për pak kohë titullin këtë javë – shpesh poston në Twitter vonë natën.

Dhe i fundit ka qenë në orën 2:30 të mëngjesit të së mërkurës, si një referencë të dukshme për pronësinë e tij të kompanive të shumta.

Këto janë bërë “të tepërta” për investitorët si Trevor Goodwin, i cili mbajti aksionet e Tesla-s për pesë vjet përpara se të humbiste besimin te Musk mbi postimet e tij në Twitter, shkruan Business Insider, përcjell Telegrafi.

Analisti i biznesit nga Kansas City, Misuri i tha Bloomberg se së fundmi ai shiti aksionet e Tesla me vlerë 30,000 dollarë.

Goodwin dhe gruaja e tij të dy vozisin Tesla dhe lavdëronin kompaninë te miqtë.

Por ai tani thotë se sjellja e çrregullt e Musk e bën “të tepërt për t’u marrë me të”, dhe ka mbajtur vetëm një pjesë të vogël të aksioneve të Tesla.

“Është pothuajse sikur ai na ka braktisur në favor të misionit të tij të ri”, ka thënë Goodwin për Bloomberg.

Pavarësisht se çmimi i aksionit të Tesla-s ra me 56% këtë vit për t’u mbyllur në 174 dollarë të mërkurën, aksioni është rritur ende me më shumë se 700% gjatë pesë viteve të fundit pasi u tregtua me 21 dollarë më 8 dhjetor të vitit 2017.

Earl Banning, një psikolog nga Anchorage, Alaska, ka qenë një fans dhe investitor i Tesla që nga viti 2015.

Ai i tha Bloomberg se ai ka mbrojtur Musk në internet si shumë nga bashkëpunëtorët e miliarderit, por episodi i fundit “ka humbur shumë prej nesh”.

Megjithatë, Banning nuk planifikon të shesë aksionet e tij, por dëshiron që Musk të jetë më pak politik dhe provokues.

Veç këtyre, sipas BI, edhe investitorë të tjerë janë më të shqetësuar se kush po drejton në të vërtetë Tesla.

Kjo pasi që Musk thotë se po fle në selinë e Twitter për të bërë më shumë punë, por tani është nën hetim nga inspektorët e ndërtimit të San Franciskos për shndërrimin e zyrave në dhoma gjumi.

Twitter dhe Tesla nuk i janë përgjigjur pyetjeve të BI për koment. /Telegrafi/