“Satelitët amerikanë janë në gjendje t’i shohin mirë ato”: Historiani ushtarak rus ‘vajton’ boshllëqet në sistemin e mbrojtjes ajrore të vendit të tij

Një valë sulmesh në bazat ajrore thellë brenda Rusisë këtë javë ekspozoi dobësitë në mbrojtjen e vendit, me televizionin shtetëror rus që ‘ankohej’ për mungesën e dukshme të satelitëve.

Sipas mediave të huaja, përcjell Telegrafi, historiani ushtarak rus Yuri Knutov bëri një paraqitje në televizionin shtetëror këtë javë, në të cilën ai u ankua se ka boshllëqe në mbrojtjen ajrore të Rusisë, sepse shumica e sistemeve ishin zhvendosur më pranë Ukrainës pas fillimit të agresionit në shkallë të plotë të nisur nga presidenti Vladimir Putin në shkurt.

“Operacioni special ushtarak filloi. Ishte e nevojshme të sigurohej mbulim për trupat e vendosura drejtpërdrejt në territorin ku ata po luftojnë”, citohet të ketë thënë ai.

“Natyrisht, gjithçka që kishim në zonën kufitare shkoi atje. Në sistemin tonë të mbrojtjes ajrore u krijuan boshllëqe”, tha ai.

Knutov shtoi se shumë besojnë se satelitët amerikanë janë në gjendje t’i “shohin mirë këto boshllëqe”.

“Unë nuk dyshoj për këtë dhe as specialistët”.

Russian TV had been tight-lipped about the recent drone attacks on airfields deep inside the country

Today pundit Yuri Knutov admitted that there were gaps in Russia's air defence because most systems had been moved closer to Ukraine

Host Olga Skabeyeva wasn't impressed pic.twitter.com/wpKIa2LS4S

— Francis Scarr (@francis_scarr) December 7, 2022

Historiani sugjeroi se nëse mbrojtja ajrore e Rusisë do të ishte mjaft e fortë, dronët që Moska ka thënë se ishin nisur nga Kievi “do të ishin rrëzuar rreth 50 deri në 60 kilometra larg dhe ne as nuk do të diskutonim për këtë incident”.

Knutov pohoi se Ukraina mund të përpiqet të nisë sulme në drejtim të Moskës, duke pasur parasysh sulmet e fundit në bazën ajrore Engels-2 në Saratov, që ndodhet rreth 600 kilometra (373 milje) në lindje të Ukrainës, aeroportin e Dyagilevo pranë Ryazan, të hënën, si dhe një sulm i tretë në një fushë ajrore në rajonin e Kursk pranë kufirit verilindor të Ukrainës.

Bazat ajrore janë “shtëpia” e aeroplanëve strategjikë me rreze të gjatë që janë të aftë të synojnë infrastrukturën ukrainase.

Kievi nuk ka marrë përgjegjësinë për sulmet, por i ka përshëndetur ato.

New York Times citoi një zyrtar të lartë ukrainas të hënën të ketë thënë se dronët e përdorur në sulme u nisën nga territori ukrainas.

Ministria e Mbrojtjes e Mbretërisë së Bashkuar tha të martën se “nëse Rusia vlerëson se incidentet ishin sulme të qëllimshme, ajo ndoshta do t’i konsiderojë ato si disa nga dështimet më të rëndësishme strategjike të mbrojtjes së forcës që nga fillimi i agresionit në Ukrainë”. /Telegrafi/