Nga bankat shkollore në kolltukun e politikanëve, zgjidhet kryetari më i ri afro-amerikan i një qyteti në SHBA

Jaylen Smith është 18-vjeçari i cili në maj të këtij viti përfundoi shkollën e mesme, kurse më 6 dhjetor është zgjedhur si kryetar i qytetit amerikan Earl.

Është kryetari më i ri afroamerikan në historinë e Shteteve të Bashkuara të Amerikës, transmeton Telegrafi.

Qyteti Earo që gjendet vetëm 48 kilometra në perëndim të Memphis, ka 1.800 banorë, kurse e ëma e Smith ka qarë pasi ai u zgjedh kryetar i këtij qyteti.

Ishte kandidatë nga radhët e Partisë Demokratike, e pak pas fitore i është drejtuar qytetarëve me një fjalim.

“Koha është për një kapitull më të mirë për Earl në Arkansas. Dua të falënderojë mbështetësit që motivuan të tjerët të votojnë. Jam shumë falënderues”, tha ai.

Smith ka premtuar se do të përmirësojë punën në polici, sistemin e ujërave të zeza do të zgjedhë problemin e shtëpive të braktisura kurse qytetarët do t’i aktivizojë në vendimmarrje.

Si një djalë që kreu shkollën e mesme së fundmi, ai ishte kryetar i asociacionit të nxënësve dhe kishte rol udhëheqës në klubet e shkollës.

“Duhet të filloni diku. Nuk kam dashur të kem 30 apo 40 vjet që të jem kryetar i qyteti, kur e di se këtë mund ta bëjë tani”, shtoi ai për Washington Post.

Smith synon të vazhdojë studimet dhe ka dëshirë të jetë gjykatës. Nuk është 18-vjeçari i vetëm në SHBA që zgjidhet si kryetar i një qyteti. Në vitin 2005, Michael Session ishte zgjedhur si kryetar i qytetit Hillsdale. /Telegrafi/