Mickoski: Vetëm për 35 ditë janë shpenzuar 36.688.848 euro për import të energjisë elektrike

Lideri i OBRM-PDUKM-së, Hristijan Mickoski njofton se qeveria edhe një herë po shpenzon shumë para publike për importimin e energjisë elektrike.

Mickoski në profilin e tij në Facebook shkruan se për 35 ditë janë shpenzuar mbi 36 milionë euro për import të energjisë elektrike.

“Vazhdon importi i energjisë elektrike, “heronjtë” e Qeverisë vazhdojnë me paradhënie, vazhdojnë me komisionet “heroike” të avansit.

Importi i ri i energjisë elektrike është për 4 ditë, nga data 8 deri më 11 dhjetor, ndërsa EMV do të paguajë “heroikisht” më shumë se 3.700.000 euro për këtë import me para publike.

Nga data 7 nëntor deri më 11 dhjetor, ose për vetëm 35 ditë, për import të energjisë elektrike janë shpenzuar gjithsej 36,688,848 euro. Importojnë se nuk kanë plan, nuk dinë dhe shpërndajnë “heroikisht” komisione paraprake. Transformatori që është dashur të vendoset më 1 nëntor për të funksionuar TEC Manastiri 3 nuk është ende në Maqedoni.

Po vjen fundi i mashtruesve të korruptuar politikë. Është koha për përgjegjësi”, ka shkruar Micoski./Telegrafi/