Në Ditën e Forcës, qytetarë të shumtë patën mundësi që të vizitojnë kazermën “Adem Jashari” në Prishtinë. Aty u ekspozuan armët e mjetet që kanë në dispozicion pjesëtarët e Forcës së Sigurisë së Kosovës, derisa qytetarët kishin ardhur të veshur e të pajisur me simbole kombëtare. Nga kjo kazermë vizitorët u bënë thirrje institucioneve që të investojnë sa më shumë në FSK.
Nën tingujt e këngëve patriotike, e të pajisur me simbole kombëtare, shumë qytetarë zgjedhën kazermën “Adem Jashari” në Prishtinë për të vizituar.
Për nder të Ditës së Forcës, Ministria e Mbrojtjes e Forca e Sigurisë së Kosovës, kanë organizuar “Ditën e Hapur”, ku vizitorët kanë pasur mundësi që për 3 orë të vizitojnë kazermën dhe të shohin nga afër pajisjet e FSK-së.
Ky aktivitet, po u pëlqen qytetarëve që erdhën këtë të diel në këtë kazermë.
“Po na pëlqen shume se, forca e sigurisë së Kosovës si ushtria jonë, është një garant për sigurinë e shtetit tonë, dhe përpjekja jonë duhet me qenë maksimale, për të avancuar këtë forcë, sidomos në pajisje shtesë”, ka theksuar Kasumi.
I mbështjellë me flamurin e Ushtrisë Çlirimtare të Kosovës, erdhi edhe Arit Hasani, i cili tregoi pse veproi kështu.
“E kam babin ushtarë edhe për atë kam ardhur. Shumë mirë po doket edhe po më pëlqen shumë”, është shprehur Hasani.
Në mënyrë të organizuar, ndër vizitorët e shumtë ishin edhe nxënësit e shkollës fillore të fshatit Gllobar të Drenasit.
“Kjo iniciativë ka qenë nga ana e mësimdhënësve, kanë pasur në plane, ky është aktivitet jashtë kurrikular, për me pa forcën e sigurisë me u informuar më në detaje për gjërat e forcës së sigurisë, aktivitetet e tyre që i zhvillojnë ditën e sotme dhe për ditën e Flamurit”, ka thënë Dovrani.
Krenarë po ndihen edhe pjesëtarët e Forcës së Sigurisë, të cilët po u sqarojnë qytetarëve për mjetet që kanë ekspozuar.
“Në FSK jam që 13 vite dhe e mbaj me nder dhe krenari këtë uniformë, për arsye se siç e dimë, FSK-ja është pasardhëse e Ushtrisë Çlirimtare, edhe për neve është nder dhe krenari me mbajtur këtë uniformë”, ka thënë Morina.
27 nëntori në Kosovë shënohet si dita e forcës, derisa tash e 4 vite Kuvendi i Kosovës, ka miratuar projektligjet që i hapin rrugë transformimit të FSK-së, në ushtri.
Forca e Sigurisë së Kosovës, ka rreth 10 mijë ushtarë aktivë dhe rreth 5 mijë rezervistë, derisa buxheti i vitit të ardhshëm për ushtrinë pritet të jetë 123 milionë euro./RTV Dukagjini/
Promo
Reklamo këtuLufta Prigozhin - Putin
Më shumëSi i zbuluan ushtarët britanikë “Dhomat e tmerrit” në Prishtinë
Vdekje e dyshimtë në Gjilan, policia nis hetimet
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës
Rrëfimi i fotoreporterit që xhiroi largimin e forcave serbe nga Prizreni
Pacolli: E papranueshme që Edi Rama të vijë për vizitë në Kosovë dhe Kurti të mos ketë kohë për një takim
Kurban Bajrami të dielën, BIK njofton se në sa ora falet namazi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Ndeshja Itali 2-1 Shqipëri në numra: Rekord historik, statistika mbresëlënëse dhe uragani kuqezi
Dominuam tribunën, por jo fushën – Shqipëria pëson ngushtë ndaj kampionit në fuqi të Evropës
Konferenca e paqes për Ukrainën, Zelensky: Në Zvicër do të shkruhet historia
Sylvinho reagon pas ndeshjes me Italinë: I kënaqur me paraqitjen, por jo me rezultatin
Kurban Bajrami të dielën, BIK njofton se në sa ora falet namazi
Notat e lojtarëve, Itali 2-1 Shqipëri: Shpëtojnë vetëm Bajrami dhe Gjimshiti, Bastoni lojtar i ndeshjes