Gjërat që një partner duhet t’i pranojë nëse ju do dhe vlerëson vërtet

Një marrëdhënie e suksesshme dashurie kërkon kompromis. Megjithatë, ju duhet të përcaktoni shkallën e kompromisit, pra ekuilibrin që ju përshtatet si juve ashtu edhe partnerit tuaj.

Sigurisht që nuk dëshironi të zgjoheni një mëngjes dhe të kuptoni se keni humbur vite duke hequr dorë nga qëllimet dhe hobi vetëm për të kënaqur partnerin tuaj.

Kjo është arsyeja pse KosovaPress tregon tri gjëra që një partner duhet të pranojë nëse ai ju do dhe ju vlerëson vërtet. Nëse nuk është kështu, është koha për një bisedë serioze, madje edhe një pushim, nëse nuk mund të gjendet kompromis.

1. Qëllimet tuaja personale

Sigurisht që të dy jeni një ekip, por edhe dy individë. Disa synime janë të përbashkëta për ju, por megjithatë ka nga ato që janë vetëm tuajat, çfarëdo qofshin ato. Dhe asnjëherë nuk duhet të hiqni dorë nga këto synime dhe as partneri juaj nuk ka të drejtë t’ju kërkojë një gjë të tillë. Ne të gjithë meritojmë një partner që do të na mbështesë në çdo gjë.

2. Imazhi juaj për veten

Ju jeni bashkë sepse keni rënë në dashuri me atë që jeni të dy, apo jo? Pra, pse partneri juaj vazhdon të përpiqet t’ju ndryshojë?

Pavarësisht nëse ka të bëjë me pamjen tuaj, stilin e veshjes, punën, bindjet politike ose fetare, stilin e jetës dhe të ngjashme, këto janë vendime që duhet t’i merrni vetë.

Me fjalë të tjera, nëse doni të ndryshoni diçka në veten tuaj – kjo duhet të jetë ideja juaj. Nëse partneri juaj dëshiron t’ju ndryshojë, atëherë duhet të pyesni veten se cilat janë motivet e tij.

3. Miqtë

Asnjë partner, sado i mirë, nuk mund të zëvendësojë të gjithë njerëzit e tjerë në jetën tuaj.

Miqtë tuaj ishin aty përpara tij, kështu që nuk ka asnjë arsye për t’i hequr ata nga jeta juaj tani që keni një partner. Të qenit me njerëz të tjerë në fakt mund t’ju bëjë një partner më të mirë. Miqësitë e shëndetshme reduktojnë stresin dhe rrisin vetëbesimin.