Harry Styles dhe Olivia Wilde ndahen pas dy vitesh romancë

Ylli i muzikës, Harry Styles dhe Olivia Wilde janë ndarë pas dy vitesh, sipas një raporti të ri.

Revista People pretendon se këngëtari, 28 vjeç, dhe aktorja, 38 vjeçe, po ‘bëjnë një pushim’ nga romanca e tyre për shkak të ‘prioriteteve të ndryshme që po i mbajnë të ndarë’.

“Ai është ende në turne dhe tani po shkon jashtë vendit. Ajo po fokusohet tek fëmijët e saj dhe puna e saj në LA. Është një vendim shumë miqësor”, tha një burim.

Burimi këmbënguli se të dy janë “ende miq shumë të ngushtë”, ndërsa një tjetër i brendshëm shtoi: “Tani për tani, ata kanë prioritete të ndryshme që po i mbajnë të ndarë”.

Ndarja vjen pasi dyshja u shkatërruan me drama përpara daljes në treg të filmit të tyre, “Don’t Worry Darling”, mbi një mosmarrëveshje të supozuar që përfshin bashkë-yllin Florence Pugh.

Thashethemet filluan të qarkullonin në korrik se ylli i “Little Women”, 26 vjeç, pati një grindje me regjisoren Wilde, kur ajo nuk arriti të promovonte ‘trailer’-in psikologjik në asnjë mënyrë, si publikisht ashtu edhe në rrjetet sociale.

Spekulimet u përkeqësuan kur Pugh pranoi të shfaqej vetëm në Festivalin e Filmit të Venecias për premierën e filmit në shtator dhe u largua nga paraqitjet e tjera promovuese.

Është e paqartë se çfarë e shkaktoi saktësisht grindjen e supozuar, por fansat besojnë se kishte të bënte me largimin e Shia LaBeouf nga filmi, më pas Styles mori përsipër rolin e LaBeouf.

Ndërsa Wilde deklaroi publikisht se ajo kishte shkarkuar LaBeouf, ylli i “Honey Boy”, më vonë shpjegoi se ai në të vërtetë u largua. Duke vërtetuar më tej pikëpamjen e tij, një video e zbuluar tregoi Wilde duke i lutur LaBeouf-it të qëndronte në kast.

Gjatë gjithë kohës kur Wilde po përballej me dramën e Pugh, ish-ylli i “OC” po përballej gjithashtu me një betejë shumë të keqe për ndarjen dhe kujdestarin për fëmijëve me me ish të fejuarin Jason Sudeikis. Shumica e fansave besonin se Wilde hodhi poshtë yllin e “Ted Lasso”, 47 vjeç, për Styles, gjë që ajo e mohoi.

“Marrëdhënia jonë kishte përfunduar shumë kohë përpara se të takoja Harryn. Si çdo marrëdhënie që përfundon, ajo nuk përfundon brenda natës”, kishte deklaruar Wilde.

Lajmi se Styles dhe Wilde po takoheshin doli në janar 2021 kur ata u panë të kapur për dore në dasmën e ish-menaxherit të këngëtarit të “One Direction”.

Në shtator, Harry dhe Olivia bënë paraqitjen e tyre të vetme në tapetin e kuq së bashku, ndërsa morën pjesë në promovimin për “Don’t Worry Darling” në Festivalin e Filmit në Venecia.

Harry ka qenë më parë në lidhje me yje, duke përfshirë Taylor Swift, Kendall Jenner dhe Sara Sampaio, ndërsa ish-të dashuruarit e Olivia përfshijnë Justin Timberlake dhe Ryan Gosling. /Telegrafi/