LAJMI I FUNDIT:

SHBA-ja njofton se princi saudit ka imunitet nga ndjekja penale për vrasjen e gazetarit Khashoggi

SHBA-ja njofton se princi saudit ka imunitet nga ndjekja penale për vrasjen e gazetarit Khashoggi

Administrata amerikane ka përcaktuar se princi i kurorës së Arabisë Saudite, Mohammed bin Salman, ka imunitet ligjor nga padia e ngritur kundër tij për vrasjen e gazetarit saudit Jamal Khashoggi në vitin 2018.

Departamenti Amerikan i Drejtësisë, në një dokument të dorëzuar në Gjykatën e Qarkut të Kolumbisë, shkruante se doktrina e imunitetit të krerëve të shtetit bazohet në të drejtën zakonore ndërkombëtare, në mënyrë që i akuzuari Bin Salman, si kreu i një shteti të huaj, të gëzojë imunitet nga juridiksioni i gjykatave amerikane.

Khashoggi u vra dhe u copëtua nga agjentët sauditë në konsullatën saudite në Stamboll në një operacion për të cilin inteligjenca amerikane besonte se ishte urdhëruar nga Princi Mohammed, i cili ka qenë sundimtari “de fakto” i mbretërisë për disa vite, shkruan cnn.


Princi mohoi të kishte urdhëruar vrasjen e Khashoggit, por më vonë tha se ai mori përgjegjësinë sepse “ndodhi nën mbikëqyrjen e tij”. Gjatë vizitës së tij në Arabinë Saudite në muajin korrik, presidenti amerikan Joe Biden i tha princit se ai e konsideronte atë përgjegjës për vrasjen e Khashoggi.

Khashoggi kritikoi politikat e princit të kurorës në rubrikat e Washington Post. Ai udhëtoi në konsullatën saudite në Stamboll për të marrë letrat që i nevojiteshin për t’u martuar me Hatice Cengiz, një shtetase turke.

Në Twitter, Cengiz e dënoi një deklaratë të tillë, duke thënë se “Jamal vdiq sërish sot”. “Ne menduam se ndoshta drita e drejtësisë mund të vinte nga SHBA-ja, por sërish paratë ishin të parat”, shtoi ajo. /Telegrafi/

Në trend Botë

Më shumë

"Heroi rus i luftës në Ukrainë" rrahet për vdekje në stacionin policor në Rusi

Evropa
Macron dhe presidenti argjentinas “shikim plot urrejtje” - liderët takohen në një kohë kur marrëdhëniet mes tyre janë në nivelin e ulët

Macron dhe presidenti argjentinas “shikim plot urrejtje” - liderët takohen në një kohë kur marrëdhëniet mes tyre janë në nivelin e ulët

Evropa
Trump do ta vendosë foton historike në kopertinën e librit të ri

Trump do ta vendosë foton historike në kopertinën e librit të ri

Amerika

"Gara" e pushuesve në Mallorca - dënohet rezervimi i plazhit apo shezllonëve

Evropa
Skenë joreale në Kroaci - gurët rrjedhin poshtë malit sikur një lumë

Skenë joreale në Kroaci - gurët rrjedhin poshtë malit sikur një lumë

Botë
Tre mënyrat se si Trump po përpiqet t'i japë fund muajit të mjaltit të Harrisit

Tre mënyrat se si Trump po përpiqet t'i japë fund muajit të mjaltit të Harrisit

Amerika
Kalo në kategori