E konfirmuar: U dëmtua nga Camavinga në stërvitje, sulmuesi Nkunku mbetet jashtë Kampionatit Botëror

Në stërvitjen e sotme të Francës, pas një kontakti mes Eduardo Camavingas dhe Christopher Nkunku, ky i fundit është lënduar dhe ka humbur Kupën e Botës.

Christopher Nkunku nuk do të luajë në Kupën e Botës në Katar, pasi ka një ndrydhje në gju.

Federata Franceze e Futbollit (FFF) njoftoi të martën në mbrëmje, pak pas orës 23:00 për tërheqjen e sulmuesit të RB Leipzig, i cili dëmtoi gjurin e majtë mbrëmjen e së martës në stërvitje, në Clairefontaine.

🇫🇷 Nkunku contraint de quitter l'entrainement des Bleus en boitant. pic.twitter.com/yJrL7yHP65

— RMC Sport (@RMCsport) November 15, 2022

Kjo ka ndodhur në prag të nisjes së Bluve për në Doha, ku do të luajnë ndeshjen e parë me Australinë me 22 nëntor.

“Sulmuesi i RB Leipzig u largua nga seanca stërvitore të martën para përfundimit të saj, i lënduar në gjurin e majtë. Nga ekzaminimet radiologjike të bëra në mbrëmje, fatkeqësisht rezultoi se bëhej fjalë për ndrydhje”, shkruan FFF në një njoftim për mediat.

Blessé à l’entraînement, Christopher Nkunku doit renoncer à participer à la Coupe du Monde. L’ensemble du groupe partage la tristesse de Christopher et lui souhaite un prompt rétablissement 💙 @c_nk97 #FiersdetreBleus pic.twitter.com/wHt8zXTGpO

— Equipe de France ⭐⭐ (@equipedefrance) November 15, 2022

Nkunku mund të zëvendësohet nga një lojtarë tjetër në ditët në vijim, ku më të përfolurit janë Dimitri Payet dhe Randal Kolo Muani. /Telegrafi/