Kostoja e përgjakshme e luftës së Putinit – pamje që tregojnë varre të shumta të ushtarëve rusë, buzë rrugëve në Ukrainë

Disa pamje të publikuara së fundmi thuhet se tregojnë ato që pretendohet se janë varre të ushtarëve rusë buzë rrugës në Ukrainën lindore.

Sipas mediave të huaja, përcjell Telegrafi, pamjet e postuara në median bjelloruse NEXTA në Twitter tregojnë skenën tronditëse të varreve në Luhansk teksa kamera kalon pranë një automjeti.

Sidoqoftë, nuk është e qartë se kur janë filmuar pamjet.

Disa janë të mbështjellë me flamuj të mëdhenj përgjatë rrugës, dhe disa madje janë të ngarkuar me fotografi të atij që supozohet të jetë i ndjeri.

Në qershor, Rusia pretendoi se kishte ‘çliruar’ 97 për qind të provincës Luhansk, duke e afruar Kremlinin me qëllimin e tij për të marrë plotësisht qendrën industriale lindore të minierave dhe fabrikave të qymyrit.

Putin liberated #Luhansk from the invaders. pic.twitter.com/VqTadBiF3z

— NEXTA (@nexta_tv) November 6, 2022

Megjithatë, në fillim të kësaj jave, u zbulua se 39 burra nga regjimenti i 252-të kishin dalë nga vija e frontit në rajonin e Luhansk dhe kërkuan të ktheheshin në Rusi.

Ata mbetën vetëm në front, të braktisur nga komandantët e tyre, tha një burim.

“Për disa ditë ata u fshehën nga granatimet, disa u plagosën rëndë, të tjerët u vranë”.

“Njerëzve tanë u mbaruan ushqimet dhe uji, nuk kishte municion”.

“Ata hëngrën çfarë gjetën dhe pinë nga një pellg. Asgjë nuk ua sollën atyre, ata thjesht u dërguan drejt vdekjes”.

Ndërkohë disa pamje të postuara në internet këtë javë treguan dhjetëra trupa të mobilizuara ruse ‘të dehur’ në një përleshje – midis të ftuarve të Vladimir Putinit. /Telegrafi/