Pamjet tronditëse të kamerës tregojnë momentin kur një kamion në Australi përplaset me disa makina të ndaluara në një kryqëzim të zënë

Pamjet tronditëse janë shfaqur nga momenti kur një kamion i madh u përplas në pjesën e pasme të katër veturave teksa kalonte nëpër një kryqëzim të zënë.

Daily Mail raporton se kamioni, i ngarkuar me automjete ndërtimi, nuk arriti të ndalojë pas një linje trafiku të drejtuar në lindje në kryqëzimin e rrugës Victoria dhe Elizabeth në Wetherill Park në perëndim të Sydney të mërkurën pasdite.

Pamjet e kamerës tregojnë kamionin duke u përplasur me një makinë të vogël argjendi përpara se ta shtyjë atë në pjesën e pasme të një Mazda të ndalur në semafor, transmeton Telegrafi.

Makinat u larguan në drejtime të ndryshme pas përplasjes, secila duke nxjerrë makinat para tyre – duke përfshirë edhe pronarin e kamerës.

Shërbimet e urgjencës që shkuan në vendngjarje zbuluan se nga incidenti ishin dëmtuar pesë vetura dhe disa persona pësuan lëndime të lehta.

Kamioni i përfshirë në aksident derdhi rreth 150 litra vaj hidraulik mbi rrugë.

Ekipet e zjarrfikësve dhe të shpëtimit kaluan pasditen duke punuar për të frenuar derdhjen e naftës. /Telegrafi/