Dëshmi shokuese në gjyqin e Harvey Weinstein – një aktore e “Dirty Dancing” pretendon se ai masturboi mbi gjoksin dhe fytyrën e saj

Një aktore e “Dirty Dancing: Havana Nights” pretendoi se Harvey Weinstein masturboi në fytyrën e saj ndërsa asistentja e tij priste jashtë një dhome hoteli.

Gruaja, e cila u prezantua në gjykatë si “Ashley M.”, u drodh dhe qau teksa dëshmoi se si producenti i turpëruar i filmave të Hollywoodit e mori atë nga kasti i kërcimtarëve që po filmonin në Porto Riko në 2003 dhe i kërkoi që t’i bënte një “masazh lakuriq”.

Ashley M., e cila ishte një balerinë e trajnuar, tha se ishte 22 vjeç kur punonte në vazhdimin e “Dirty Dancing”, i cili u prodhua nga ish-kompania e Weinstein “Miramax”.

Ajo tha se Weinstein iu afrua teksa ishte gati të filmonte një skenë me kërcimtarë të tjerë dhe e nxori jashtë për një bisedë private.

“Ai tha se do të ishte thjesht një masazh i zhveshur … dhe të mos shqetësohej për këtë”, tha Ashley M.

“Ai tha: ‘Shikojeni Gwyneth Paltrow dhe çfarë bëri për karrierën e saj”, u shpreh dëshmitarja, transmeton NewYorkPost.

Ajo dëshmoi të martën në Gjykatën e Lartë të Los Angelesit se kur i tha një producenti dhe një koreografi se çfarë kishte ndodhur, ata nuk bënë asgjë.

Kur ajo u kthye nga darka e organizuar për stafin, Weinstein po e priste, së bashku me ndihmësin e tij, Bonnie Hung.

Ajo tha se Weinstein u bë “shumë agresiv” dhe i tha asaj të futej në limuzinë me Hung.

“Unë i dhashë asaj një vështrim si ‘A mund të më ndihmosh’ me sytë e mi,” tha Ashley M.. “Ajo më pa në sy dhe më tha: “Mos u shqetëso. Unë do të jem me ju gjatë gjithë kohës. Ai thjesht dëshiron të flasë për projekte.”

Ashley M. tha se megjithëse ndjehej e frikësuar, ajo u fut në makinë me Weinstein sepse u sigurua se Hung do të ishte me të. Pas udhëtimit të shkurtër, 10 deri në 15 minuta, makina ndaloi në një hotel.

“Isha e shqetësuar, por megjithatë u ndjeva e ngushëlluar që Bonnie ishte atje … por pyesja veten se çfarë po ndodhte”, tha ajo.

Treshja hyri brenda hotelit me Weinstein duke i çuar te një derë. Pikërisht atëherë Ashley M. tha se e kuptoi se nuk do të shkonte në një dhomë takimesh, por në një dhomë private.

“Harvey hapi derën dhe ai hyri, pastaj unë hyra. Dhe Bonnie mbylli derën pas nesh”, tha ajo.

Weinstein u bë menjëherë agresive dhe e shtyu atë në shtrat, tregoi ajo.

Ai ia hoqi pjesën e sipërme dhe sytjena dhe u zhvesh, dëshmoi tutje Ashley M..

“Ai tha, ‘Nuk është sikur po bëjmë seks… është përqafim lakuriq’. Isha shumë i frikësuar. Nuk dija çfarë të bëja. I thashë ndalo. Më kujtohet vetëm në kokën time duke thënë: ‘Çfarë të bëj?’. Nuk dija çfarë të bëja. Ai masturboi mbi gjoksin tim dhe fytyrë”, tha dëshmitarja.

Ajo tha se nuk mund ta shihte organin gjenital të Weinstein, por e pa atë duke bërë një lëvizje teksa po masturbonte.

Tutje ajo u shpreh se kujton se ishte ndjerë mirënjohëse në një farë mënyrë që nuk ishte dhunuar.

Kur hapi derën e hotelit, asistentja e tij, Hung po qëndronte jashtë duke mbajtur një tastierë.

Ashley M. tha se ajo pasi u largua telefonoi nënën dhe të fejuarin e saj, por ajo kishte shumë turp t’u tregonte atyre detajet.

Weinstein është deklaruar i pafajshëm për 11 akuza për përdhunim dhe sulm seksual që përfshinin katër gra. Prokuroria planifikon gjithashtu të thërrasë në gjykatë edhe tre dëshmitarë të tjerë.

Weinstein, 70 vjeç, po vuan një dënim me 23 vjet burg. /Telegrafi/