Nga: Eduardo Galeano (fragment nga libri “Me këmbë përpjetë: Stili i botës së prapthi”)
Përktheu: Bajram Karabolli
Ka disa dekada që shkrimtari argjentinas Roberto Arlt tregon për dikë që donte të bëhej deputet. Ky politikan, në fjalën e tij, midis të tjerave, thoshte:
“Zotërinj, të vjedhësh nuk është e lehtë. Për të vjedhur e grabitur nevojiten kushte të caktuara, që besoj se nuk i kanë rivalët e mi. Para së gjithash, nevojitet të jesh një cinik i përsosur, dhe ju siguroj se jam i tillë. Zotërinj qytetarë, mos e vini në dyshim këtë. Në radhë të dytë, duhet të jesh tradhtar, dhe unë i tillë jam, zotërinj … Kam ndërmend ta shes edhe Kuvendin, ndërsa Pallatin e Drejtësisë do ta kthej në një banesë kolektive apo hotel, sepse, po të mos ketë fare drejtësi, atëherë unë jam më i lirë, zotërinj qytetarë …”
Sipas shkrimtarit argjentinas, kjo do të ishte një formulë e sigurt suksesi, sepse të gjithë të pandershmit flasin për ndershmëri dhe njerëzit ushqehen me gënjeshtra. Një politikan brazilian, Adhemar de Barros , kandidat për deputet në elektoratin e shtetit të San Paulo, shpalli hapur moton “Vjedh, por bëj”.
Ama nuk ka asnjë grabitës të fondeve publike të deklarojë: “Kam vjedhur dhe kam rregulluar jetën time, kam vjedhur dhe jam bërë i pasur”. Ata betohen se gjithçka e bëjnë për partinë, për popullin, për atdheun. Pra, këta politikanë grabitkan për atdheun, por gjënë e grabitur e çojnë në shtëpinë e tyre.
Sot formula e Roberto Arlt nuk funksionon aq lehtë. Asnjë politikan brazilian nuk e bën dot më atë që bëri Adhemar de Barros.
Si rregull i përgjithshëm, është provuar se deputetët që marrin më shumë vota veprojnë si artistë të vërtetë teatri, zgjedhin maska sa më të mira dhe realizojnë shfaqje sa më të bukura. Siç thotë një shkrimtar tjetër argjentinas, José Pablo Feinmann, suksesi zgjedhor zakonisht shpërblen fjalimin e gënjeshtërt dhe personalitetin e shtirë.
Ashtu si superheronjtë, Supermen dhe Batman, shumë politikanë profesionistë kultivojnë skizofreninë, sepse ajo u jep superfuqi, ashtu si i ndrojturi Clark Kent që bëhet Supermen vetëm duke hequr syzet, apo i shpëlari Bruce Wayne që bëhet Batman, sapo vesh mantelin e lakuriqit të natës.
Promo
Reklamo këtuLufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
PLAK BUDALLA
BIR
Historia e fisit Shala
Përdorimi i fjalëve të huaja dhe disa huazime të sotme në gjuhën shqipe
Beteja e Albulenës: 560 vjet nga fitorja e pazakontë e Skënderbeut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe