Rusët po humbasin shumë helikopterë sulmues në Ukrainë – inteligjenca britanike shpjegon pse

Rusia ka humbur të paktën 23 helikopterë sulmues Ka-52 HOKUM në Ukrainë ndërsa komandantët kryejnë më shumë misione me rrezik të lartë, tha Ministria e Mbrojtjes e Britanisë së Madhe.

“Kjo përfaqëson mbi 25 për qind të flotës në shërbim të Forcave Ajrore Ruse prej 90 Ka-52, dhe gati gjysmën e humbjeve totale të helikopterëve të Rusisë në Ukrainë”, thuhet në deklaratë, përcjell Telegrafi.

“Helikopterët sulmues rusë ka të ngjarë të kenë pësuar një dëmtim të veçantë nga sistemet e mbrojtjes ajrore të lëvizshme të Ukrainës (MANPADS), ndërsa helikopterët shpesh operojnë me mbështetje më pak të qëndrueshme nga avionët luftarakë sesa do të prisnin sipas doktrinës ushtarake ruse”.

(1/4) There have been at least 23 verified losses of Russia’s Ka-52 HOKUM attack helicopter in Ukraine since the invasion. This represents over 25% of the Russian Air Force’s in-service fleet of 90 Ka-52s, and nearly half of Russia’s total helicopter losses in Ukraine.

— Ministry of Defence 🇬🇧 (@DefenceHQ) October 25, 2022

“Rusia ende po dështon të ruajë epërsinë adekuate ajrore në mënyrë që të kryejë me besueshmëri mbështetje efektive ajrore të afërt, dhe municioni i saj i artilerisë po mbaron”, është thënë më tej.

“Komandantët rusë ka të ngjarë të përdorin gjithnjë e më shumë kryerjen e misioneve me helikopterë sulmues me rrezik të lartë si një nga opsionet e pakta në dispozicion për të ofruar mbështetje të ngushtë për trupat në luftime”. /Telegrafi/