Filmi “Illyricvm” do të ketë premierën më 28 tetor në Cineplexx

Filmi “Illyricvm” i regjisorit kroat, Simon Bogojevic-Narath, do të ketë premierën në Prishtinë më 28 nëntor.

Shfaqja e filmit do të bëhet në Cineplexx nga ora 13:00, kurse menjëherë pas kësaj do të jetë edhe konferenca për media.

Në projekt janë të përfshirë aktorë të njohur nga Kosova në role kryesore dhe të tjera si: Ylber Bardhi, Labeat Bytyçi, Ilir Prapashtica, Dukagjin Podrimaj, Kushtrim Hoxha, Armend Smajli, Lulzim Bucolli, Bujar Ahmeti, Rina Krasniqi, Ali Demi, Gani Morina, Selman Lokaj me bashkë-producent Fatmir Spahiun.

Filmi është bashkëprodhim në mes të Kroacisë (Kinorama), Kosovës (Buka), Italisë (LaSarraz), BiH (Pro.ba) dhe Sllovenisë (Forum Ljubljana).

Filmir është përkrahur nga Qendra Kinematografike e Kosovës, Hrvatski Audiovizuelni Centar, Slovenski Filmski Centar, FRIULI-VENEZIA GIULIA REGIONAL FUND, VIBA FILM, Ministria e Kulturës së Kantonit të Sarajevës, Euroimages si dhe nga Komuna e Prishtinës e kompani të njohura duke shfrytëzuar ligjin për sponsorizime.

Lexo po ashtu Të gjitha lajmet nga Fatmir Spahiu

Filmi i metrazhit të gjatë theksojmë se ka qenë në garë për filmin më të mirë nacional në festivalin më të madh të filmit të Evropës Juglindore në Sarajevë.