Lavdërimi i Messit nga Galtier mund të shqetësojë Mbappen

Zhveshtorja e Paris Saint-Germain është ndoshta njëra nga më të vështirat për t’u kontrolluar në futbollin botëror.

Një skuadër me yje si Lionel Messi, Neymar dhe Kylian Mbappe mund të jetë një ëndërr për disa trajnerë dhe një makth për të tjerët.

Në rastin e Christophe Galtier, problemet lindin kur ai duhet të flasë për ndonjërin prej tyre.

Pas fitores 0-3 të PSG-së ndaj Ajaccio, trajneri vlerësoi Messin dhe dha një deklaratë që pothuajse me siguri nuk do të pritet mirë nga Mbappe.

❤️💙@KMbappe ⚽️⚽️👟
Leo Messi ⚽️👟👟#ACAPSG 0️⃣-3️⃣ pic.twitter.com/V2yqfHMRXi

— Paris Saint-Germain (@PSG_inside) October 21, 2022

Galtier ka të preferuarin e tij në zhveshtore

Messi dhe Mbappe bënë një paraqitje të mirë të premten në mbrëmje, por Galtier e vuri re vetëm argjentinasin.

“Njerëzit vijnë në stadium për të parë Messin. Sigurisht që ata vijnë për të parë PSG-në, Mbappen dhe Neymarin, por unë mendoj se të gjithë janë dakord se ai është lojtari më i mirë në histori”, ka thënë fillimisht Galtier pas ndeshjes.

Duke kuptuar situatën e tij, trajneri francez më pas ka dashur të lavdëroj edhe Mbappen.

“Messi dhe Mbappe kanë cilësi teknike dhe një lidhje të mirë mes vete”, shtoi ai.

These two ❤️💙 pic.twitter.com/k8BZximqpJ

— Paris Saint-Germain (@PSG_English) October 21, 2022

Kjo nuk është hera e parë që Galtier ka zgjedhur të lavdërojë publikisht një lojtar mbi një tjetër. Në raste të mëparshme ai mori kritika për të luajtur me favoritë dhe për të mos ndihmuar në harmoninë e zhveshtore.

Megjithatë, trajneri tashmë i ka minimizuar këto çështje.

“Ata flasin vazhdimisht për bashkëjetesën dhe mua më habit fakti që duhet të flas për të njëjtën gjë çdo javë”.

“Që kur kam ardhur në klub kam mundur të shoh vetëm sjellje normale në zhveshtore. Lojtarët duan të fitojnë dhe janë në garë për ta bërë këtë”.

“Atmosfera është e mirë. Sinqerisht, realiteti i grupit nuk është ai që thuhet jashtë”, përfundoi trajneri i PG-së. /Telegrafi/