Pas rrëzimit të aeroplanit, deklarohet Putin: Su-34 u rrëzua mbi ndërtesën kolektive, pesë kate janë përfshirë nga zjarri – ka edhe të vdekur

Një ndërtesë kolektive në qytetin rus Jejsk në rajonin e Krasnodarskut është përfshirë nga zjarri, pas rrëzimit të një aeroplani luftarak rus.

Autoritetet lokale për situata të jashtëzakonshme, kanë konfirmuar se ishte një aeroplan luftarak Su-34, transmeton Telegrafi.

Në anën tjetër, ministria ruse e Mbrojtjes gjithashtu konfirmoi rrëzimin e aeroplanit, duke theksuar se u rrëzua pak çaste pasi u ngrit në ajër nga aeroporti i këtij qyteti.

Pilotët e fluturakes, sipas autoriteteve ruse kanë arritur të katapultohen dhe të shpëtojnë.

Sipas hetuesve duket se njëri nga motorët e aeroplanit mori flakë, pasi ishte ngritur në ajër.

BREAKING: Military plane crashes into apartment building in Yeysk, Russia pic.twitter.com/FFP2XUc13b

— BNO News (@BNONews) October 17, 2022

“Hapësira e mbuluar nga zjarri është 2 mijë metra katrorë, ku janë duke u djegur pesë katet e ndërtesës nëntëkatëshe.

E presidenti rus Vladimir Putin, ka bërë të ditur se po i ofrohet ndihma qytetarëve të prekur nga rrëzimi i aeroplanit, duke konfirmuar se ka edhe të vdekur. /Telegrafi/