Ushtari rus tregon gjendjen ‘e zymtë’ në kampin e rekrutëve të rinj, thotë se gjysma e burrave janë të sëmurë

Një video e shpërndarë në mediat sociale të dielën pretendon të tregojë kushtet “e zymta” me të cilat po përballen ushtarët rusë të sapo regjistruar për luftë në Ukrainë.

Sipas Newsweek, përcjell Telegrafi, videoja u shpërnda në Twitter të dielën pasdite nga Julia Davis, krijuesja e grupit të mbikëqyrjes së mediave, Russian Media Monitor.

Në të, një burrë i panjohur, i cili u thirr së fundmi në ushtrinë ruse, pretendon se përballet me kushte jashtëzakonisht të këqija në një kamp, me vjedhje dhe sëmundje të shfrenuara.

“Ndërkohë në Rusi: hidhini një sy mënyrës se si po trajtohen rekrutët e sapomobilizuar”, shkroi Davis krahas videos. “Një burrë pa emër ankohet se i janë vjedhur këpucët, paratë dhe dysheku. Ai thotë, kështu është. Të gjithë u sëmurën, sepse mezi po i ngrohin çadrat. E zymtë”.

Në klipin, i cili zgjat 90 sekonda, ushtari i paparë dhe i paidentifikuar ofron një vështrim në personin e parë në kampin ku është dërguar dhe tregon veten duke mos veshur asgjë përveç çorapeve ndërsa gjendet jashtë.

Meanwhile in Russia: take a look at the way the newly-mobilized recruits are being treated. An unnamed man complains that his shoes, his money and his mattress got stolen. He says, that's just the way it is. Everyone got sick, because they are barely heating the tents. Grim. pic.twitter.com/z52jjgXCGn

— Julia Davis (@JuliaDavisNews) October 16, 2022

Khanty-Maniysk është një qytet në Rusinë perëndimore-qendrore dhe qendra administrative e rajonit Khanty-Mansi. Ai ndodhet përgjatë brigjeve të lumenjve Ob dhe Irtysh.

Ushtari përfundimisht hyn në një tendë që ai pretendon se është dhoma e tij e banimit, së bashku me disa burra të tjerë. Ai vëren se, pavarësisht se tenda është mjaft e madhe për të strehuar disa njerëz, ajo ka vetëm një sobë për të siguruar ngrohtësi.

Burri pretendon më tej se nga tenda e tij janë vjedhur dyshekë, duke e përshkruar vjedhjen si të vetmen “mënyrë për të mbijetuar këtu”.

Atij i janë vjedhur edhe sendet e tij personale, si atlete dhe para. Pavarësisht nga kjo vjedhje e supozuar e shfrenuar, oficerët eprorë duket se nuk kanë interes për të ndihmuar.

Raportet për çrregullime dhe kaos në radhët ushtarake kanë qenë të pranishme në Rusi që kur presidenti Vladimir Putin urdhëroi një mobilizim të pjesshëm për të ndihmuar përpjekjet në Ukrainë, e para e vendit që nga Lufta e Dytë Botërore. /Telegrafi/