“Blackout” është një skenar realist. Duhet informim dhe përgatitje më e mirë e popullsisë për pasojat e krizës dhe mundësisë së sabotimeve, kërkon Shoqata e Qyteteve gjermane.
Një informim më të mirë për pasojat e mundshme të ngushticave të furnizimit me energji dhe sabotimit kërkon Deutsche Städtetag.
“Ndërprerja e energjisë është një skenar realist”, paralajmëroi kreu i shoqatës Helmut Dedy.
Duhet të përgatitemi se mund të krijohen njëkohshëm situata të ndryshme krize.
“Një furnizim funksionues në rast emergjence me ujë dhe ngrohje është i mundur vetëm për 72 orë”, shton ai.
Kësaj i shtohet që njerëzit në Gjermani “deri tani janë pa përvojë për t’u përballur me situata krizash dhe katastrofash”.
Prandaj, ka shumë rëndësi një përgatitje e vazhdueshme, transparente dhe pa shumë burokraci për rreziqet e mundshme. Duhet të jenë më prezente fushatat për vetëmbrojtje dhe vetëndihmë.
Do të mbrohet infrastruktura kritike
Ndërkohë ministrja e Brendshme gjermane, Nancy Faeser është shprehur për më shumë mbrojte të infrastrukturës kritike pas atentatit ndaj gazsjellësit Nord Stream I dhe sabotimit të rrjetit të kabllove të hekurudhës gjermane.
“Sulmi rus kundër Ukrainës shënjon një pikë kthese edhe për sigurinë e brendshme. Për këtë po përgatitemi. Mbrojtja e infrastrukturës kritike ka prioritetin më të madh”, ka thënë Faeser.
Autoritetet gjermane të sigurisë “po marrin masa shtesë aty ku është e nevojshme”.
Për shembull, ka një prezencë më të madhe të policisë federale te infrastruktura detare. Qeveria gjermane do të paraqesë që këtë vit pikat kryesore për një ligj të ashtuquajtur KRITIS për mbrojtjes e infrastrukturës kritike dhe do të fusë edhe detyrime të tjera për njoftimin e incidenteve të sigurisë që të rrisë në këtë mënyrë sigurinë e furnizimit për Gjermaninë dhe Evropën.
Shqetësimi për sulmet kundër infrastrukturës është rritur ndjeshëm pas sulmit rus në Ukrainë. Të shtunën e kaluar sabotimi i sistemit të kabllove të hekurudhës gjermane shkaktoi ndërprerjen e lëvizjes së trenave në pjesë të mëdha të Gjermanisë veriore. Kurse në fund të shtatorit para ishullit danez Bornholm në gazsjellësit Nord Stream I dhe Nord Stream II nga Rusia në Gjermani u zbuluan katër pika rrjedhjeje, që sipas një raporti danezo-suedez kanë ardhur si pasojë e shpërthimeve të forta. /Deutsche Welle/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Hypi kerrit e nisu për n’Grand Blue Fafa këtë vikend
Policia me apel për qytetarët: Kujdes nga mashtrimi përmes investimeve të dyshuara online
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City