LAJMI I FUNDIT:

Chelsea konfirmon lëndimin dhe mungesën afatgjatë, Reece James humb Kupën e Botës

Chelsea konfirmon lëndimin dhe mungesën afatgjatë, Reece James humb Kupën e Botës

Chelsea ka konfirmuar sot (e shtunë) gjatë ditës së mbrojtësi i tyre, Reece James do të mungojë së paku tetë javë shkaku i lëndimit të gjurit dhe kështu do të humb Kupën e Botës ‘Katar 2022’.

Anglia do të ketë edhe një mungesë të madhe në Kupën e Botës, pasi James nuk pritet të jetë i gatshëm shkaku i lëndimit.

Anësori i krahut të djathtë u lëndua në ndeshjen e Ligës së Kampionëve ndaj Milanit dhe pritet të mungojë së paku dy muaj.


Është vet Chelsea që me anë të faqes zyrtare ka njoftuar për lëndimin e James dhe së rehabilitimi i lojtarit do të jetë së paku tetë javë.

“Pas lëndimit të gjurit të pësuar në ndeshjen tonë jashtë fushe kundër AC Milan, Reece ka marrë trajtim nga departamenti mjekësor i Chelsea dhe ka vizituar një specialist këtë fundjavë”.

“Pas konsultimeve mes të gjitha palëve, Reece tani do t’i nënshtrohet një programi rehabilitimi dhe pritet të jetë jashtë për tetë javë”, thuhet në njoftimin e Chelseat. /Telegrafi/