Edhe pse sapo është bërë nënë, Dojna Mema e ka të qartë si do të sillet me nusen e djalit të saj

Moderatorja e njohur, Dojna Mema dhe partneri i saj, këngëtari Vlashent Sata, u bëtë prindër të një djali. Nolan Sol e ndryshoi jetën e çiftit përgjithmonë.

Dojna është mjaft aktive në Instagram duke postuar pjesë nga përditshmëria, e tashmë edhe me vogëlushin që i ka ‘ndriçuar’ jetën.

E padyshim tanimë dhe bisedat ‘online’ që ajo bën me ndjekësit nuk mund që të mos lidhen me të birin dhe në ‘Ask-un’ më të fundit një prej tyre e ka pyetur bukuroshen nëse e ka menduar se si do të sillet me nusen e saj. Edhe pse Nolan është ende shumë i vogël, prezantuesja e ka të qartë përgjigjen e kësaj pyetje – transmeton Top Channel.

View this post on Instagram

A post shared by Dojna Mema (@dojnamema)

“Mendoj se është pak herët për këtë pyetje, megjithatë me nusen do të sillem siç sillem me çdo person tjetër të familjes. Gjyshja e Dojnës më ka mësuar se nëse e do vërtetë djalin duhet t’i respektosh patjetër nusen, sepse nëse e vë të zgjedhë mes nuses dhe nënës po e vë të zgjedhë praktikisht mes të shkuarës dhe të ardhmes, dhe e ardhmja fiton gjithmonë. Kështu që nusen do e pres me krahë hapur, që të ndjehet njëlloj ngrohtë ashtu siç është ndjerë në familjen e saj”, ka theksuar ajo.

Rikujtojmë se para disa ditësh, Dojna na ka treguar një tjetër detaj lidhur me vogëlushin e saj, i cili nuk ka vetëm një emër por dy. Me një foto të postuar në InstaStory, moderatorja ka treguar se emri i plotë i djalit të saj është Nolan Sol Sata.