Renault R5 Turbo 3E – vetura elektrike me 375 kuaj fuqi

Kjo “gjë” është jashtë normales, është jashtë çdo normaleje. Është çmenduri, sinqerisht nuk e di se çfarë po mendonin.

Renault 5 Turbo 3E është rezultat i dhënies së një buxheti të madh dikujt që e njeh qartë dhe respekton historinë e automobilave, dhe në të njëjtën kohë është absolutisht i dashuruar me të ardhmen elektrike. Dhe nuk di të ngasë në vijë të drejtë, e vetmja mënyrë që ajo ose ai di – është anash, përcjell Telegrafi.

R5 Turbo 3E është një mjet absolut, është ajo që njerëzit “në biz” e quajnë makinë drift. Është një “vrasës gomash jashtë kutisë” që i bën homazh “gjyshit” të tij ikonë, ndërsa fyen pothuajse çdo makinë tjetër, raporton Arena EV.

Në fund të fundit, është veturë franceze. Dhe është gjëja më e mirë që ka dalë ndonjëherë nga fabrika e Renault.

Le të fillojmë nga pjesa e pasme. Ka vrima ajri në shtyllat C ashtu si në origjinalin 5 Turbo, ka vrima ajri që hyjnë në harqet e rrotave për të ftohur dy motorë elektrikë – jo aq të ndryshëm nga origjinali.

Është një Renault 5, nuk mund të pretendosh as për një sekondë se nuk e di se çfarë makine është. Pjesa e përparme është thjesht “e ligë”, nëse e keni parë atë në pasqyrën tuaj të pasme – do të kërkoni një vend për t’u fshehur.

Renault R5 Turbo 3E është ndërtuar mbi një shasi tubulare me një bazë të sheshtë, plotësisht të miratuar nga FIA. Dy motorët elektrikë fuqizojnë vetëm rrotat e pasme, fuqia e kombinuar është 280 kW ose 375 kuaj fuqi.

Çifti rrotullues vjen me 700 Nm dhe për të provuar të kontrolloni disa prej tij, gomat e pasme vijnë në një madhësi gjigante 325/25 R20.

Bateria që fuqizon këtë “bishë qiellore”, është në një anë mjaft të vogël të gjërave, 42 kWh është gjithçka që marrim, por e mban peshën poshtë dhe rikarikohet në rreth 2 orë duke përdorur një karikues 380V dhe 32A.

Shpejtësia maksimale është 200 km/h dhe këtij “huligani” të vogël i nevojiten 3.5 sekonda për të përshpejtuar nga 0 në 100 km/h.

Pjesa e fundit është pesha, projektuesit dhe inxhinierët kanë menduar dhe punuar shumë në këtë projekt dhe kanë arritur të mbajnë makinën nën 980 kg. Kjo është pa paketën e baterisë, ky artikull thelbësor shton 520 kg të tjera për një total prej 1,5 tonësh metrikë. /Telegrafi/