Qytetarët e Kosovës dhe ata të Bosnje-Hercegovinës janë të vetmit në rajon të cilët mes shteteve të tyre kanë pengesa të rrepta lëvizjeje.
Kjo për shkak se brenda Bosnje dhe Hercegovinës, tash e sa vjet, nuk arrin të krijohet konsensus i brendshëm politik për çështjen e njohjes së Kosovës e, madje, as për lëvizjen e lirë mes të dy vendeve.
Kjo duket e pakuptimtë për anëtarin boshnjak të presidencës Shefik Xhaferoviq.
I pyetur nga RTK nëse ka ndonjë hap përpara drejt lirisë së lëvizjes, ai tha se kjo temë as që është diskutuar deri më tani.
“Bosnja e Hercegovina dhe Kosova kanë një regjim të ashpër të lëvizjes së njerëzve, të mallit dhe kapitalit. Askund nuk ka një regjim më të rreptë. Serbia ka një qasje më liberale dhe të gjitha vendet tjera. Dhe unë mendoj se është në interes të Bosnje e Hercegovinës që njerëzit që jetojnë në Bosnje dhe ata që jetojnë në Kosovë do të duhej të punohej në atë që të hiqej ky regjim dhe njerëzit të lëvizin lirshëm. Në këtë moment, as në këtë pikë, nuk ka konsensus në Bosnje dhe Hercegovinë. Por unë besoj se do të vije koha që të paktën, për liri të lëvizjes të arrihet pajtueshmëri, sepse kjo është në të mirën e të gjithë njerëzve, sepse, si pasojë e këtij regjimi, po pësojmë dëme nga të dyja anët”, deklaroi Xhaferoviq.
“Krejt kjo për çfarë po flas kam punuar gjithë kohën prej 4 vjetësh që jam në presidencë, por nuk ka konsensus brenda presidencës së Bosnje e Hercegovinës”, tha, mes tjerash, ai.
Madje, sipas tij, në Bosnje e Hercegovinë nuk flitet as për mundësinë e njohjes së pavarësisë së Kosovës.
“Qëndrimi zyrtar i Bosnje dhe Hercegovinës është se kur është në pyetje njohja e pavarësisë së Kosovës nga Bosnja e Hercegovina duhet të ketë një konsensus. Ky konsensus në këtë moment nuk ekziston dhe ky është qëndrimi zyrtar i Bosnje Herecegovinës dhe unë jam i detyruar ta them pa marrë parasysh se çfarë unë mendoj personalisht si anëtar i presidencës” deklaroi Xhaferoviq
Këto deklarime anëtari boshnjak i presidencës së Bosnje Hercegovinës i dha para medieve në Samitin e Brdo-Brijunit, i cili u mbajt javën e kaluar në Slloveni e ku mes tjerash u bë thirrje për liri të lëvizjes.
Mirëpo qëndrimi i bllokuar i Bosnje Hercegovinës në raport me Kosovën vije për shkak të refuzimit të presidentit serb të Bosnjes, Milorad Dodik, i cili njihet si një kundërshtar i pavarësisë së Kosovës.
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe