Përfundoi takimi i Komisioneve për Çështje Historike Maqedoni-Bullgari, takimi tjetër mbahet në fund të muajit tetor

Tekstet e historisë që trajtojnë periudhën e historisë mesjetare dhe Goce Dellçevi ishin temë e takimit dyditor të Komisionit të Përbashkët Ekspert Multidisiplinar për Çështje Historike dhe Arsimore ndërmjet Maqedonisë së Veriut dhe Bullgarisë, që përfundoi sot në Shkup.

“Lidhur me tekstet e historisë, temë e diskutimit ishin institucionet kishtare mesjetare dhe rëndësia e tyre për krishterimin dhe shkrim-leximin dhe kulturën sllave. Duke marrë parasysh kohëzgjatjen e diskutimit për këtë temë, anëtarët e Komisionit nuk hapën tema të tjera. Diskutimi për këtë dhe tema të tjera rreth teksteve të historisë do të vazhdojë në mbledhjen e radhës, e cila duhet të mbahet në fund të tetorit të këtij viti, thuhet në njoftim.

Ky takim dyditor në Shkup kaloi pa konferencë për media apo deklarata për media nga anëtarët e dy ekipeve në komisionin e përbashkët.

Dimitar Llorovski, historian dhe profesor në Institutin e Historisë Kombëtare, iu bashkua ekipit maqedonas në këtë raund bisedimesh, duke zëvendësuar Vanço Gjorgiev, i cili u largua nga Komisioni vitin e kaluar”, thanë nga Komisioni.

Komisioni i përbashkët maqedonas-bullgar për çështje historike në mbledhjen e kaluar më 15 gusht miratoi dhe publikoi rekomandime në lidhje me përmirësimin e teksteve të historisë për klasën e jashtë në Maqedoninë e Veriut dhe për klasën e pestë në Bullgari, si dhe rekomandime për festën e përbashkët të personaliteteve të Mesjetës.

Dragi Gjorgiev nga Komisioni, pas shpalljes së rekomandimeve në një konferencë për media duke folur për tekstet shkollore, ka sqaruar se qëllimi është të ndryshohen gjërat aty ku ka keqkuptime dhe që mund të kontribuojnë në prishje të marrëdhënieve mes dy popujve dhe të dy vendeve, e cila mund të shkaktojë tensione te brezat e ri.

Gjorgiev vlerësoi se periudha e shekujve 19 dhe 20 do të jetë një nga më të vështirat për të cilat Komisioni do të diskutojë.