Ushtarët rusë po ikin ‘aq shpejt sa lanë gjysmën e pajisjeve të tyre’ në Ukrainë

Ushtarët rusë po ikin shpejt pasi një kundërofensivë ukrainase po rimerr pjesë të gjera të territorit saqë ata po lënë pas “gjysmën e pajisjeve të tyre”, sipas një zyrtari ukrainas.

Sipas mediave të huaja, përcjell Telegrafi, ndërsa lufta shënoi 200 ditë të dielën, fitimet e rëndësishme nga forcat e Ukrainës në lindje të vendit e kanë detyruar Rusinë të tërheqë trupat nga rajoni për të shmangur rrethimin.

Dhe ushtarët rusë janë tërhequr aq shpejt sa kanë lënë pas një sasi të konsiderueshme armësh, sipas Anton Gerashchenko, një këshilltar në Ministrinë e Punëve të Brendshme të Ukrainës.

Gerashchenko postoi në Twitter një video që pretendonte të tregonte një tank rus që ishte lënë pas në Izyum, një bazë kryesore për forcat ruse në rajonin e Kharkiv.

Today our military accepted first lend lease supplies from Russia in Izyum (that's a joke, of course. I will mark my jokes for some time now).

Russian soldiers fled so fast they left half of their equipment. pic.twitter.com/6WeHs1LZ3A

— Anton Gerashchenko (@Gerashchenko_en) September 11, 2022

Forcat ukrainase kanë rimarrë më shumë se 3,000 kilometra katrorë territor që nga 6 shtatori, sipas një raporti nga Instituti për Studimin e Luftës (ISW) me qendër në SHBA të shtunën.

Ministria e Mbrojtjes e Rusisë njoftoi të shtunën se po tërhiqte trupat nga zonat Balakliya dhe Izyum, por tha se ato trupa do të dërgoheshin në rajonin Donbas të Ukrainës lindore, ku dy rajone separatiste janë shpallur sovrane nga Rusia, “për të arritur qëllimet e deklaruara të operacionit special ushtarak për çlirimin e Donbasit”.

Të shtunën, kryeministri ukrainas Denys Shmyhal vlerësoi arritjet si “shumë premtuese” dhe vlerësoi sasinë e madhe të armëve të dhuruara Ukrainës nga vendet e NATO-s, duke përfshirë sistemin e raketave të artilerisë me lëvizshmëri të lartë M142 të prodhuar nga SHBA (HIMARS). /Telegrafi/