Alergjitë përkufizohen si një reagim i tepruar imunitar ndaj substancave nga të cilat jemi të rrethuar
Alergjenët mund të thithen, gëlltiten ose depërtojnë përmes lëkurës. Reaksionet e zakonshme janë ethet e barit, disa lloje të astmës dhe skuqjet.
Shkaktarët më të zakonshëm të alergjive janë poleni i bimëve, ushqimi, qimet e kafshëve, pluhuri dhe merimangat.
Ato janë të lidhura me një antitrup të prodhuar nga trupi i quajtur imunoglobulina E (IgE). Çdo antitrup IgE mund të jetë shumë specifik, duke reaguar kundër poleneve të caktuara dhe alergjenëve të tjerë.
Me fjalë të tjera, një person mund të jetë alergjik ndaj një lloji poleni, por jo ndaj një tjetri.
Kur një person i ndjeshëm ekspozohet ndaj një alergjeni, trupi fillon të prodhojë një sasi të madhe të antitrupave të ngjashëm IgE.
Ekspozimi i mëvonshëm ndaj të njëjtit alergjen mund të rezultojë në një reaksion alergjik.
Alergjitë mund të prekin këdo, pavarësisht nga mosha, gjinia, raca ose statusi socio-ekonomik. Në përgjithësi, alergjitë janë më të zakonshme te fëmijët.
Megjithatë, fillimi i parë mund të ndodhë në çdo moshë ose mund të përsëritet pas disa vitesh.
Alergjia nuk mund të kurohet, por rritja e imunitetit ndihmon në zbutjen e simptomave. Marrja shtesë e vitaminës C, beta glukenit dhe probiotikëve stimulon aftësitë mbrojtëse të organizmit.
Hapi i parë në parandalimin e alergjive sezonale është shmangia e kontaktit me alergjen.
Personat alergjikë duhet të monitorojnë kalendarin e polenit të bimëve dhe pemëve të lulëzuara, të shmangin daljen nga shtëpia nga ora 10:00- 17:00, kur përqendrimi i polenit është më i lartë në ajër, dhe të mbyllin dritaret gjatë kësaj periudhe.
Pas qëndrimit jashtë ata duhet të bëjnë dush dhe të ndërrojnë rrobat në mënyrë që të reduktojnë më tej marrjen e polenit. Po ashtu duhet reduktuar aktivitetin fizik që thellon frymëmarrjen, i cili sjell përqendrim më të lartë të polenit në trup. /KP
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri