Ushtria ukrainase janë ’50 kilometra larg kufirit’ me Rusinë, derisa kundërofensiva vazhdon

Trupat ukrainase të dielën kryen me sukses kundërsulmin e tyre të shpejtë në pjesën verilindore të vendit, duke detyruar njësitë ruse të tërhiqen.

Sipas mediave të huaja, përcjell Telegrafi, veprimi i shpejtë i Ukrainës për të rimarrë zonat e pushtuara nga Rusia në rajonin verilindor të Kharkiv-it i detyroi trupat e Moskës të tërhiqen në një përpjekje për t’i parandaluar ato “të rreshtohen” dhe të lënë pas një numër të konsiderueshëm armësh dhe municionesh në një tërheqje të nxituar ndërsa lufta shënoi 200 ditë të dielën.

Madje presidenti i ngazëllyer ukrainas Volodymyr Zelensky tha në një fjalim video të shtunën vonë, duke thënë se “ushtria ruse në këto ditë po demonstron më të mirën që mund të bëjë – duke treguar shpinën”.

Të dielën, ai postoi një video të ushtarëve ukrainas duke ngritur flamurin kombëtar mbi Chkalovske, një qytet tjetër që ata e morën nga rusët në kundërofensivë.

Ndërkohë shefi ushtarak i Ukrainës, gjenerali Valerii Zaluzhny, tha të dielën se Ukraina kishte çliruar rreth 3,000 kilometra katrorë që nga fillimi i shtatorit.

Kështu, ai vuri në dukje se trupat ukrainase tani janë vetëm 50 kilometra larg kufirit me Rusinë.

Siç vlerëson Euronews, përcjell Telegrafi, tërheqja e rusëve shënoi suksesin më të madh në fushën e betejës për forcat ukrainase që kur ata penguan një përpjekje ruse për të pushtuar kryeqytetin, Kiev, në fillimin e luftës gati shtatë-mujore.

Sulmi i Ukrainës në rajonin e Kharkiv erdhi si një surprizë për Moskën, e cila kishte zhvendosur shumë nga trupat e saj nga zona në jug në pritje të kundërofensive kryesore ukrainase atje.

Dhe në një përpjekje të vështirë “për të shpëtuar fytyrën”, Ministria ruse e Mbrojtjes tha të shtunën se tërheqja e trupave nga Izyum dhe zona të tjera në rajonin e Kharkiv kishte për qëllim forcimin e forcave ruse në rajonin fqinj Donetsk në jug.

Pretendimi dukej i ngjashëm me justifikimin që dha Rusia për tërheqjen e forcave të saj nga rajoni i Kievit në fillim të këtij viti, kur ata nuk arritën të merrnin kryeqytetin. /Telegrafi/