Cher reagon ndaj një postimi që e quan Dua Lipën ‘Cher i gjeneratës tonë’

Ikona e muzikës, Cher iu përgjigj një postimi në Twitter që e krahasonte atë me yllin e popit, Dua Lipa, e cila është gati gjysmë shekulli më e re se ajo.

Një fanse në Twitter shkroi: “Dua Lipa, Cher e gjeneratës sonë”, mbi një klip të Duas që ka një ngjashmëri të dukshme fizike me artisten.

Ata kishin postuar një foto të dy këngëtareve krah për krah që duken jashtëzakonisht të ngjashme me flokë të drejtë e të gjatë të zinj dhe veshje të me shkëlqim.

Në përgjigje të komentit, Cher, e cila festoi ditëlindjen e saj të 76-të në maj, shkroi: “Sa vite janë në një gjeneratë” bashkangjitur me një ‘emoji’ që mendon.

Fotoja e Duas në postimin origjinal në Twitter ishte nga ‘look’-u i saj në “Grammy” vitin e kaluar, ku shumë ekspertë e krahasuan atë me veshjen e Cherit në vitin 1974.

Vitin e kaluar, këngëtarja e “No Rules” veshi një fustan me motive fluturash “Versace” në shfaqjen e çmimeve pasi u emërua fytyra e markës së stilistëve vetëm një vit më parë.

Cher gjithashtu kishte veshur një veshje me tematikë flutura me ngjyra të ngjashme me ato të Duas në vitin 1974, pasi u zbulua se ajo kishte bashkëpunuar me “Versace” për të krijuar linjën e saj të modës të quajtur, “Chersac”.

Interneti u nda në dy drejtime pasi disa fansa të Duas e kritikuan Cher-in për komentin e saj, me të tjerët që nxituan të vënë në dukje karrierën e jashtëzakonshme të Cher në skenë dhe ekran.

Postimi i ri i Cher vjen vetëm një javë pasi Dua festoi ditëlindjen e saj të 27-të me një festë të stuhishme që e kaloi atë në Ibiza.

Udhëtimet e saj të fundit përfshinin edhe dasmën e stilistit francez të modës Simon Porte Jacquemus, me partneri e tij, Marco Maestri.

Dua iu bashkua një liste të ftuarve të mbushur me yje, duke përfshirë fashionisten franceze Jeanne Damas në Chateau de Bonneval në jug të Francës.

Simon, i cili themeloi linjën e modës “Jacquemus”, filloi të takohej me Marco në vitin 2018 dhe u fejua me të vitin e kaluar. /Telegrafi/