LAJMI I FUNDIT:

Prokuroria bullgare ndërpret hetimet për rastin e djegies së autobusit nga Maqedonia, kërkon më shumë bashkëpunim nga prokuroria e RMV-së

Prokuroria bullgare ndërpret hetimet për rastin e djegies së autobusit nga Maqedonia, kërkon më shumë bashkëpunim nga prokuroria e RMV-së

Zëdhënësja e kryeprokurorit të Bullgarisë, Sijka Mileva, tha se është ndërprerë procedura para hetimore për aksidentin e autobusit nga Maqedonia e Veriut në të cilin u dogjën 46 persona.

Siç njoftojnë nga Agjencioni Informativ i Maqedonisë, Mileva tha për median bullgare BNT se arsyeja për këtë është për shkak se prokurorët bullgarë kanë kërkuar më shumë hetime dhe informacione nga kolegët e tyre në Maqedoni.

Mileva tha se hetimet e deritanishme kanë vërtetuar fakte të reja lidhur me atë që ka ndodhur gjatë natës tragjike.


Natën e 23 nëntorit 2021 autobusi u dogj plotësisht, por jo nga katër tubat e benzinës që transportonte shoferi maqedonas.

Ata nuk janë shkaku i zjarrit sepse kanë mbetur të paprekura.

Mileva tha se për të ishte një tragjedi e madhe, e cila do të mbetet në kujtesën e saj.

“Ky është një rast i paprecedentë dhe unik në histori. Hetimi i vendit të aksidentit ka zgjatur më shumë se 24 orë, duke filluar në errësirëne asaj nate, mëngjesin e hershëm të ditës së ngjarjes dhe përfundoi në mbrëmje. Gjashtë hetues dhe tre prokurorë kanë punuar në këtë rast dhe mbledhja e provave ka përfunduar për vetëm 10 ditë”, komentoi Mileva.

“Të gjitha sendet e gjetura u kthyen, dhe secili artikull u vulos veçmas. Janë kryer 45 autopsi. Prej të gjithëve është marrë material biologjik, nga i cili është nxjerrë profili i ADN-së. Me kërkesë për ndihmë juridike deri te organet e drejtësisë në Maqedoni, janë identifikuar edhe trashëgimtarët e viktimave, nga të cilët është marrë edhe ADN-ja”, shtoi Mileva.

Për përcaktimin e shkakut të vdekjes së pasagjerëve është kryer ekspertizë komplekse teknike, si dhe ekspertizë mjeko-ligjore.

Është konstatuar se shumica e pasagjerëve të vdekur kanë ndërruar jetë nga djegjet e rënda dhe goditja termike.

“Nga konstatimi i ekspertizës për ngjarjen është konstatuar se shoferi e ka drejtuar mjetin me shpejtësi joproporcionale dhe të madhe, për çka ka humbur kontrollin e autobusit”, deklaroi Mileva.

Ajo tha se kanë kryer edhe ekspertizë kimike, e cila ka konstatuar kategorikisht se në autobusin nga Maqedonia nuk ka pasur shenja të mjeteve shpërthyese.

Autoritetet maqedonase, tha edhe Sijka Mileva, kanë bashkëpunuar plotësisht në hetimin e këtij rasti tragjik.

“Me ta kemi marrëdhënie shumë të mira miqësore dhe kolegiale. Falenderoj gjithashtu autoritetet e Ministrisë së Punëve të Brendshme dhe zjarrfikësit, të cilët bashkëpunuan plotësisht me hetimin”, u shpreh Mileva.

Sipas saj, të mbijetuarit e aksidentit dhe të afërmit e të vdekurve duhet të thirren për t’u marrë në pyetje.

Për këtë procedurë në Bullgari janë marrë në pyetje rreth 30 dëshmitarë, mes të cilëve shoferi i autobusit, pasagjerët e mbijetuar, si dhe dëshmitarët okularë.

Tani, sipas Milevës, radha është e prokurorisë së Maqedonisë.

Në trend Lajme

Më shumë
Qeveria aprovon rritjen e pensioneve për invalidët, veteranët dhe pjesëtarët e UÇK-së

Qeveria aprovon rritjen e pensioneve për invalidët, veteranët dhe pjesëtarët e UÇK-së

Lajme
Qeveria emëron Lyra Osmanin Inspektore të Përgjithshme, kurse Avni Kastratin drejtor të Agjencisë së Statistikave të Kosovës

Qeveria emëron Lyra Osmanin Inspektore të Përgjithshme, kurse Avni Kastratin drejtor të Agjencisë së Statistikave të Kosovës

Lajme
Në Belgjikë po trajtohet ankesa e vrasësve të Enver Hadrit, Qeveria ndan 100 mijë euro për familjen

Në Belgjikë po trajtohet ankesa e vrasësve të Enver Hadrit, Qeveria ndan 100 mijë euro për familjen

Lajme
Osmani pas takimit me zëvendës-sekretarin amerikan: Lajm i shkëlqyeshëm, Kosova dhe SHBA-të do ta finalizojnë së shpejti Dialogun strategjik

Osmani pas takimit me zëvendës-sekretarin amerikan: Lajm i shkëlqyeshëm, Kosova dhe SHBA-të do ta finalizojnë së shpejti Dialogun strategjik

Lajme
Akuzat e Berishës ndaj Majkos, reagon SPAK

Akuzat e Berishës ndaj Majkos, reagon SPAK

Lajme
Kurti publikon fotografi nga tubimi në Ferizaj: Vazhdojmë krah për krah, e cep më cep

Kurti publikon fotografi nga tubimi në Ferizaj: Vazhdojmë krah për krah, e cep më cep

Lajme
Kalo në kategori