Policët rusë ‘tërheqin zvarrë’ pronarët e supermakinave, teksa marrin pjesë në një shfaqje nëpër Moskë – dikush bëri thirrje që ata të dërgohen në Ukrainë

Policia ruse tërhoqi zvarrë pronarët e supermakinave nga automjetet e tyre teksa merrnin pjesë në një tubim nëpër Moskë, në një goditje “kundër shfaqjeve ekstravagante”.

Sipas mediave të huaja, përcjell Telegrafi, pamjet nga qyteti treguan se policia u vërsul kundër shoferëve të pasur që dolën për të ekspozuar automjetet e tyre perëndimore në rrugët e Moskës, të cilat erdhën teksa një numër i madh ushtarësh rusë po vdisnin në luftën në Ukrainë.

Zemërimi për shfaqjen e dukshme të pasurisë madje bëri që një senator kryesor pro-Putin të bënte thirrje që të arrestuarit të dërgoheshin për të marrë pjesë në pushtimin e Ukrainës.

Policia në Moskë pretendoi se nuk ishte dhënë leje për tubimin elitar të rreth 170 Lamborghini, Rolls-Royce Phantom, Ferrari, Porsche, Hummer H1, Chevrolet Corvette C8, Audi RS5 dhe Bentley Continental GT II.

Kështu, dhjetëra pronarë makinash u arrestuan nga policia e armatosur dhe makinat e tyre u sekuestruan për kontrolle.

Ndërkohë, shumë nga pronarët e tyre u panë në pranga duke u larguar me forcë nga oficerët.

Vladimir Putin dihet se shpeshherë del kundër multimilionerëve rusë dhe pasardhësve të tyre, të cilët shfaqin në mënyrë të dukshme pasuritë e tyre para masave.

Ai një herë tha: “Në kohët sovjetike, disa njerëz e shfaqnin pasurinë e tyre duke implantuar dhëmbë ari, në mënyrë që të demonstronin madhësinë e pasurisë së tyre”. /Telegrafi/